كىرشىكسىز كوڭىلدىڭ تازالىعى

«كوپتەن قولىما كۇرەك ۇستاماپ ەدىم, توسىرقاپ قالىپپىن. وسى كۇرەكتى ءومىر بويى ۇستاپ نە قازباعان ەدىك, ەندى, مىنە, از عانا ۇستاعاننىڭ وزىندە سابى قولدى كۇل­دىرەتىپ كەتتى. وسىنداي سەنبىلىكتەر جيىرەك بو­لىپ تۇرسا عوي, بەل جازۋعا دا, كۇرەكتى ءجيى ۇس­تاۋعا دا جاقسى بولار ەدى», دەپ كۇلەدى اعاش وتىر­­عىزۋعا جەر قازىسقان, قالاعا كو­شىپ كەلگەنىنە 10 جىلداي بولعان اقىمبەت اقساقال.

بۇل پاركتىڭ ءوزى ەرەكشە. مۇندا شۋلى مۋزىكا, بالالاردىڭ اتتراكتسيوندارى جوق, كەڭ جولاقتى جولدارمەن ەركىن تىنىس­تاپ, قىدىرىپ جۇرۋگە بولاتىن جايلى, تىنىش مەكەن. ناعىز قارتتار مەن جارىم كوڭىلدى جانداردىڭ تىنىستاۋىنا قولايلى ورىن. ءوزى ەسىلدىڭ بيىك جارقاباعىندا, ىشىندەگى اعاشتارىمەن بىرگە وزەن جاقتان تازا سۋدىڭ ءيىسى دە اڭقىپ تۇرادى.

الايدا سەنبىلىككە قارتتار عانا ەمەس, مەم­لەكەتتىك قىزمەتكەرلەر, بيۋدجەتتىك سالا قىز­مەتكەرلەرى دە, جاستار مەن قوعامدىق ۇيىم­دار وكىلدەرى دە كوپ كەلگەن ەكەن. جاستار بولعان سوڭ اسەم مۋزىكا ۇندەرى دە جۇمىس ىستەپ جاتقانداردىڭ كوڭىلىن كوتەرە تۇسكەن. پەتروپاۆل قالاسى اكىمىنىڭ ءباسپاسوز حاتشىسى وسى كۇنى پەتروپاۆلدا بىر­نەشە توننا قوقىس شىعارىلىپ, 500-دەي اعاش وسكىنى وتىرعىزىلعانىن ايتتى. ال وبلىس بو­يىنشا 20 مىڭ اعاش كوشەتى وتىر­عىزىلىپتى.

مۇنىڭ ءوزى قىزىلجار وڭىرىنە تاعى ءبىر جاسىل ورمان كەلدى دەگەن ءسوز عوي. كەشە عانا تاسقىننىڭ سۋىنان ءۇرپيىسىپ, الاڭداپ قالعان جارىم كوڭىل قىزىلجارلىقتار «تازا قازاقستان» اكتسياسىن قۋانا قارسى العانداي بولدى. جۇزدەرى جارقىن, داۋىس­تارى اشىق. سەنبىلىك جاڭا ءومىر, جاس ومىرمەن بايلانىستىرىلعانداي. ءتىپتى كۇننىڭ ءسال سالقىن, قوڭىرجاي بولعانىنا دا ەشكىم قاراپ جاتقان جوق, كوڭىلدى كۇيدى وزدەرى تۋدىرىپ جاتىر.

ء«بىز «تازا قازاقستان» اكتسياسىنىڭ شەڭبەرىن «بۇكىلقازاقستاندىق اعاش وتىرعىزۋ» اكتسياسىمەن تولىقتىرىپ وتىرمىز. بۇگىن پەتروپاۆل قالاسى مەن اۋدان­داردى قوسقاندا بارلىعى 20 مىڭ ءتۇپ كوشەت وتىرعىزۋدى جوسپارلادىق. اعاش­تاردىڭ ءوزى ءارتۇرلى, ولاردىڭ اراسىندا وتە سيرەك كەزدەسەتىن حوش ءيىستى اعاشتار دا بولادى. ارينە, كوبى – ءبىزدىڭ سۇيىكتى اق قايىڭدارىمىز. پەتروپاۆل قالاسىنىڭ وزىندە عانا بۇل جۇمىسقا 1,5 مىڭ ادام ءوز ەرىكتەرىمەن شىقتى. پرەزيدەنت ق.توقاەۆ 2 ملرد ءتۇپ اعاش كوشەتىن وتىرعىزۋ تۋرالى تاپسىرما بەرگەن ەدى. سول تاپسىرمانى ىسكە اسىرۋ اياسىندا ءبىز جىلدىڭ اياعىنا دەيىن 38 ملن ءتۇپ اعاش ەگۋدى جوسپارلادىق», دەيدى وبلىس اكىمىنىڭ ورىنباسارى رۇستەم قۇرمانوۆ.

ال قىزىلجاردىڭ تۇبىندەگى قىزىلجار اۋدانىندا «تازا قازاقستان» اكتسياسىنا 600-دەن اسا ادام قاتىستى. تاسقىن سۋدان ەڭ كوپ زارداپ شەككەن قامكوڭىل اۋداننىڭ ءوزى بۇكىلەلدىك اكتسياعا تارتىنباي قاتىسقان. بۇل ءتىپتى قىزىلجارلىقتىڭ جىل باسىنان بەرى شىققان ەكىنشى سەنبىلىگى ەكەن. «تازا قازاقستان» اكتسياسىنا وبلىستىق بارلىق اۋداندارى دا ءۇن قوسىپ, سەنبىلىككە شىقتى.