قازاقستان حالقىنىڭ بىرلىگى كۇنى قارساڭىندا العاش رەت 10 رەسپۋبليكالىق تەلەارنانىڭ تىكەلەي ەفيرىندە ء«بىز بىرگەمىز» ۇلتتىق تەلەمارافونى ءوتىپ جاتىر, دەپ حابارلايدى Egemen.kz.
تەلەمارافوننىڭ باستى كەيىپكەرلەرى – تابيعي اپات كەزەڭىندە باتىلدىق تانىتىپ, ءوز ءومىرى مەن دەنساۋلىعىن قاۋىپ-قاتەرگە تىگە وتىرىپ, قىزمەتى مەن ازاماتتىق بورىشىن ابىرويمەن اتقارعان ەل ازاماتتارى. ولاردىڭ قاتارىندا قۇتقارۋشىلار, مەديتسينا قىزمەتكەرلەرى, اسكەري قىزمەتشىلەر, ەرىكتىلەر, كاسىپكەرلەر مەن سىن ساعاتتا جۇدىرىقتاي جۇمىلىپ, ىنتىماق پەن بىرلىكتىڭ ۇلگىسىن تانىتقان ەل تۇرعىندارى بار.
«Qazaqstan», «حابار», «Jibek Joly», «ەۋرازيا ءبىرىنشى ارناسى», «كتك», «31 ارنا», «Atameken Business», «Astana TV», «7 ارنا» جانە «Almaty TV» تەلەارنالارىنىڭ 5 ساعاتتىق تىكەلەي ەفيرىندە تاسقىن باسقان اۋماقتى كوزبەن كورىپ, تابيعي اپاتتان زارداپ شەككەن تۇرعىندارىنىڭ جان تەبىرەنتەر وقيعالارى, تابيعي اپات ايماقتارىنان رەپورتاجدار بەرىلەدى.
سونداي-اق تەلەمارافوندا رەسمي ورگان وكىلدەرى وڭىرلەردەگى اپات سالدارىن جويۋ جانە قالپىنا كەلتىرۋ جۇمىستارى مەن ازاماتتاردى تۇرعىن ۇيمەن قامتاماسىز ەتۋ, ينفراقۇرىلىمدى قالپىنا كەلتىرۋ, ماتەريالدىق شىعىنداردى وتەۋ جونىندەگى مەملەكەت قابىلداپ جاتقان شارالار تۋرالى ەسەپ بەرەدى.