پرەمەر-مينيستر ولجاس بەكتەنوۆتىڭ توراعالىعىمەن زاڭسىز يەمدەنىلگەن اكتيۆتەردى مەملەكەتكە قايتارۋ جونىندەگى كوميسسيانىڭ كەزەكتى وتىرىسى ءوتتى.
كوميسسيا جالپى كولەمى 40 ملرد تەڭگەدەن استام سوماعا زاڭسىز يەمدەنىلگەن اكتيۆتەردى مەملەكەتكە ەرىكتى تۇردە قايتارۋ جونىندەگى كەلىسىمدەردى ماقۇلدادى, ونىڭ 38 ملرد تەڭگەدەن استامى – اقشالاي قاراجات, سونداي-اق استاناداعى قۇنى 2 ملرد تەڭگە تۇراتىن بيزنەس-ورتالىق. قايتارىلعان قاراجات الەۋمەتتىك ماقساتتارعا, ونىڭ ىشىندە سۋ تاسقىنى سالدارىن جويۋعا باعىتتالادى.
بۇعان قوسا 7 ملرد تەڭگە سوماسىنا ينۆەستيتسيالىق كەلىسىمدەرگە قول قويۋ ماقۇلداندى, ونىڭ اياسىندا «زاڭسىز يەمدەنىلگەن اكتيۆتەردى مەملەكەتكە قايتارۋ تۋرالى» زاڭ نەگىزىندە استانا جانە شىمكەنت قالالارىندا ەكى ينفراقۇرىلىم نىسانى سالىنادى. اتالعان جوبالاردى ىسكە اسىرۋ جۇمىس ورىندارىن قۇرۋعا مۇمكىندىك بەرەدى جانە قوسىمشا سالىق تۇسىمدەرىن قامتاماسىز ەتەدى.
«اكتيۆتەردى قايتارۋ جۇمىستارى – بۇل مەملەكەت باسشىسىنىڭ الەۋمەتتىك ادىلەتتىلىكتى قالپىنا كەلتىرۋ جونىندەگى ساياساتىنىڭ تىكەلەي ىسكە اسىرىلۋى. بارلىق قايتارىلعان قاراجات قازاقستان حالقىنىڭ يگىلىگىنە جۇمسالادى», دەپ اتاپ ءوتتى و.بەكتەنوۆ.