الماتىداعى وقۋشىلاردىڭ يننوۆاتسيالىق شىعارماشىلىق ورتالىعىندا العاشقى اسكەري جانە تەحنولوگيالىق دايىندىق وقىتۋشىلارىنىڭ, قالالىق اكىمدىك, كۇشتىك قۇرىلىمدار مەن قوعام وكىلدەرىنىڭ قاتىسۋىمەن رەسپۋبليكالىق عىلىمي-ادىستەمەلىك كونفەرەنتسيا ءوتتى.
ءىس-شارادا العاشقى اسكەري جانە تەحنولوگيالىق دايىندىقتى ۇيىمداستىرۋشى وقىتۋشىلاردىڭ كاسىبي قۇزىرەتىن دامىتۋ ماسەلەلەرى, سونداي-اق وقۋ ۇدەرىسىندە «گەوتاكتيكا» باعدارلامالىق ءونىمىن پايدالانۋ پەرسپەكتيۆالارى تالقىلاندى.
وتىرىستا اسكەري-ستراتەگيالىق زەرتتەۋلەر ورتالىعىنىڭ باس ساراپشىسى, زاپاستاعى پولكوۆنيك ەرلان زاكيەۆ جانە باسقا دا ساراپشىلار بايانداما جاسادى.
ءىس-شاراعا قاتىسۋشىلار ءۇشىن قارۋ-جاراق پەن كيىم-كەشەك كورمەسى ۇيىمداستىرىلدى. قارۋلى كۇشتەردىڭ تاريحى جانە قازاقستاننىڭ تۇڭعىش قورعانىس ءمينيسترى ارميا گەنەرالى ساعادات نۇرماعامبەتوۆ تۋرالى دەرەكتى فيلمدەر كورسەتىلدى.
عىلىمي-ادىستەمەلىك كونفەرەنتسيا ءبىلىم بەرۋ جۇيەسىن دامىتۋعا جانە وقىتۋشىلاردىڭ قۇزىرەتتەرىن كەڭەيتۋگە باعىتتالعان. بۇگىنگى تاڭدا اسكەرگە شاقىرىلعانعا دەيىنگى جاستاردى اسكەري قىزمەتكە دايارلاۋ ساپاسى جانە وقۋ ورىندارىنداعى اسكەري-پاتريوتتىق جۇمىستىڭ مازمۇنى سولارعا تىكەلەي بايلانىستى.
الماتى