وسى ايدىڭ 24-28 كۇندەرى مەرسين پروۆينتسياسىنداعى ەردەملي قالاسىندا (تۇركيا) قر ءىىم ۇلتتىق ۇلانىنىڭ اسكەري قىزمەتشىلەرى ۋنيفايتتان ەرەسەكتەر مەن جاستار اراسىندا وتكەن الەم كۋبوگىنە قاتىستى, دەپ حابارلايدى Egemen.kz.
ۇلتتىق ۇلاننىڭ ءباسپاسوز قىزمەتى ءمالىم ەتكەندەي, حورۆاتيا, شۆەيتساريا, نيدەرلاندى, سولتۇستىك ماكەدونيا, يتاليا, يزرايل, ۆەنگريا, تاعى باسقا ەلدەردىڭ سپورتشىلارى قاتىسقان جارىستا 75 كگ سالماق دارەجەسىندە 6655 (اقتوبە قالاسى) اسكەري ءبولىمىنىڭ وفيتسەرى لەيتەنانت ءازىمجون كۋبونبوەۆ التىن مەدال جەڭىپ الدى, ال 65 كگ سالماق بويىنشا 6506 (شىمكەنت قالاسى) ءبولىمىنىڭ اسكەري قىزمەتشىسى مايور الكەن تولەگەنوۆ 1 ورىن تۇعىرىنان كورىندى.
«قارسىلاستار تىڭعىلىقتى دايىندىقپەن كەلگەن كىلەڭ مىقتى سپورتشىلار بولدى. ىشكى ىستەر ءمينيسترى پوليتسيا گەنەرال-لەيتەنانتى ەرجان ساپاربەك ۇلى سادەنوۆكە جانە ۇلتتىق ۇلاننىڭ باس قولباسشىسى گەنەرال-لەيتەنانت ەركىن سوۆەتبەك ۇلى بوتاقانوۆقا ەلىمىزدىڭ اتىنان حالىقارالىق دەڭگەيدە وكىلدىك ەتۋگە مۇمكىندىك بەرگەنى ءۇشىن العىسىمدى بىلدىرگىم كەلەدى», دەدى الكەن تولەگەنوۆ.