بۇگىن بانگكوك قالاسىندا قازاقستان مەن تايلاند اراسىندا ۆيزاسىز رەجيم ەنگىزۋ تۋرالى كەلىسىمگە قول قويىلدى, دەپ حابارلايدى Egemen.kz.
بۇل شەشىم ەكى تاراپ اراسىنداعى ساۋدا-ەكونوميكالىق, مادەني-گۋمانيتارلىق جانە تۋريستىك بايلانىستاردى دامىتۋعا مۇمكىندىك بەرەدى.
ەكىنشى تاراپتىڭ اۋماعىندا 30 كۇنتىزبەلىك كۇننەن ارتىق تۇرۋعا نيەت بىلدىرگەن قازاقستان ازاماتتارى مەن تايلىقتار ءتيىستى ۆيزا الۋى كەرەك.
ء«بىر تاراپ مەملەكەتىنىڭ ازاماتتارى, جارامدىلىق مەرزىمى كەمىندە التى اي بولۋى ءتيىس جارامدى جول ءجۇرۋ قۇجاتتارىنىڭ يەلەرى ەكىنشى تاراپ مەملەكەتىنىڭ اۋماعىنا كىرۋگە, شىعۋعا, ترانزيتپەن وتۋگە, ۋاقىتشا بولۋ ءۇشىن رەجيم ەنگىزىلگەن كۇننەن باستاپ 30 كۇنتىزبەلىك كۇننەن اسپايتىن مەرزىمگە, 180 كۇنتىزبەلىك كۇننىڭ ءاربىر كەزەڭىندە بارلىعى 90 كۇنتىزبەلىك كۇن ۆيزالىق تالاپتاردان بوساتىلادى», دەلىنگەن كەلىسىمدە.
بۇعان دەيىن قازاقستان مەن تايلاند اراسىندا ۋاقىتشا ۆيزاسىز ساپار عانا بولعان, ونىڭ مەرزىمىن تايلاند تاراپى بىرنەشە رەت ۇزارتقان ەدى.