كاسىپكەر ايەلدەر تۋرالى كىتاپ

ءىس-شارادا ءسوز العان ساۋدا جانە ينتەگراتسيا ءمينيسترىنىڭ ءبى­رىن­شى ورىنباسارى ايجان بيجا­نوۆا قازىر ەلىمىزدە ايەل­دەر­­دىڭ شاعىن جانە ورتا بيزنەس قۇ­رى­لىمىنىڭ جارتىسىنا جۋى­عىن باسقارىپ وتىرعانىن جەتكىزدى.

«بۇل ەل ەكونوميكاسىن دامىتۋدا ماڭىزدى ءرول اتقارادى. ولار باسقارىپ وتىرعان شاعىن جانە ورتا بيزنەستىڭ جالپى ىشكى ونىمگە قوسقان ۇلەسى شامامەن 40 پايىزدى قۇرايدى. بۇل كورسەتكىش باياۋ بولسا دا, جىل ساناپ ءوسىپ كەلەدى. سونداي-اق بۇگىنگى ءوتىپ وتىرعان ءىس-شارانىڭ ماڭىزى بولەك. بۇل كىتاپ وقىرماندى شابىتتاندىرىپ قانا قويمايدى, كاسىپكەر بولۋعا ۇيرەتەدى. كاسىپكەرلىك قىزمەتتىڭ نەگىزىن ءتۇسىندىرىپ, وزىنە, ءوز ىسىنە دەگەن سەنىمىڭدى قالىپتاستىرادى. ءوزىم وسى جيناقتاعى كەيىپكەرلەر تۋرا­لى جازىلعان وقيعالاردى تولىق وقىدىم. اسىرەسە مەنى وسى كاسىپكەر ايەلدەردىڭ بويىنداعى دانالىق, توزىمدىلىك ەرەكشە ءسۇيسىنتتى», دەدى ا.بيجانوۆا.

جيناقتا قاراپايىم اياق كيىم تىگۋدەن باستاپ, جىلۋ ەنەرگەتي­كا­سىنا دەيىنگى ءتۇرلى سالادا تابىسقا جەتكەن وتاندىق 50 كاسىپ­كەر ايەل­ تۋرالى جازىلعان. ولار­دىڭ­ قا­تا­رىندا بەلگىلى پروديۋسەر, اك­تري­­سا بايان ماقساتقىزى, تەلە­جۇر­­گىزۋشى جانە بلوگەر دينارا سات­جان جانە ەسىمدەرى ەلگە ەندى تا­نىلعان نازىك جاندىلار بار. NU كاسىپكەرلىكتى زەرتتەۋ ورتا­لى­عىنىڭ (NURCE) مۇشەلەرى دا­يىن­داعان كىتاپتا وسى كاسىپكەر ازا­مات­شالاردىڭ ءوز كاسىپتەرىن دامىتۋ­داعى قيىندىقتارى مەن جەتىستىك­تەرى شىنايى باياندالعان.

جوبا اۆتورلارى – شۋماي­لا يۋسافزاي, نۇرلىحان ءالجا­نوۆا جانە نۇرلان قۇلبا­تىروۆ. سونداي-اق NURCE ديرەك­تورىنىڭ ايتۋىنشا, بۇل جيناق بيزنەس­تەگى ايەل­دەردىڭ الدىندا تۇرعان پروب­­­لە­مالار مەن كاسىپكەرلىكتىڭ دا­مۋىنا كەرى اسەرىن تيگىزەتىن الەۋ­مەتتىك كەدەرگىلەردى جويۋدى ۇسىنادى.

« ۇلى دالا ءىزاشارلارى» كىتا­بىن­دا قازاقستاندىق كاسىپكەر ايەل­دەر­­دىڭ سان ءتۇرلى كاسىپ­پەن اينالى­سا­تىنى جازىلعان. سونداي-اق ولار­دىڭ جاڭاشىل يدەيالارعا باي كوش­باس­­شىلىق قاسيەتى دە نانىمدى كور­­­سەتىل­گەن. مۇندا كاسىپكەر نازىك جان­­­­دىلاردىڭ ءوز ءىسىن دامىتۋ­دا­عى كۇش-جىگە­رىن كورىپ, ەكو­نو­­­ميكالىق تۇر­­­­­عى­دان ءوسىپ, وڭ وزگەرىستەرگە باس­تاۋ بول­­عانىنا وقىرماننىڭ كوزى جە­تە­­­د­ى», دەي­دى جيناقتىڭ بىرلەسكەن اۆ­تو­­­­رى, NU جوعارى بيزنەس مەك­تەبىنىڭ اسسيستەنت-پروفەسسورى, NURCE ديرەكتورى شۋمايلا يۋسا­فزاي.

ءىس-شاراعا ەلىمىزدىڭ ءار وڭىرى­نەن­ ق­ا­تىسۋشىلار كەلدى. ولار كى­تاپ كە­يىپكەرلەرىنىڭ اڭگى­مە­لەرىن تىڭ­داپ, ەرەكشە اسەرگە بو­لەندى. قانات­تاندى. سونداي-اق اتال­عان جيناق  ۇلت­تىق اكادەميالىق كىتاپ­­­حا­نا­دان باستاپ, NURCE جانە باس­قا دا جو­عارى وقۋ ورىندارى­نىڭ كىتاپ­حانا­لارىنا تاراتىلادى. تا­نىس­­تى­رى­لىم سوڭىندا كىتاپ اۆتورلارى كەلە­شەكتە ەر-ازاماتتار باسىم سالا­دا قىزمەت ىستەيتىن ايەلدەر تۋرا­لى جاڭا كىتاپ جازۋعا نيەتتى ەكەندەرىن جەتكىزدى.