جالپى اۋداندىق سەنبىلىك ماقانشى اۋدانىنىڭ «ايدىندى-الاكول» جاعالاۋىندا ءوتتى, دەپ جازادى Egemen.kz.
اكتسياعا 11 اۋىلدىق وكرۋگتەن جانە اۋداننىڭ بارلىق مەكەمەلەرىنەن 500-دەن استام ادام قاتىسىپ, 28 گەكتار اۋماقتى تازارتتى. ناتيجەسىندە جالپى 40 توننا قوقىس شىعارىلدى, شامامەن 5000 مەترگە جۋىق قورشاۋلار بويالىپ, اكتەلدى.
الداعى ايدىندى-الاكول جاعالاۋىنداعى تۋريستىك ماۋسىمعا تولىق دايىن بولۋ ءۇشىن سەنبىلىكتەر مامىر ايىندا دا جالعاسادى.
وسىنداي سەنبىلىك شارالارىمەن قاتار, اۋداندىق كوممۋنالدىق مەكەمەلەردىڭ قىزمەتكەرلەرى جىل بويى الاكول كولىنىڭ جاعاسىندا دا تازالىق جۇمىستارىن جۇرگىزەدى.
اكتسياعا قاتىسقان ەڭبەك ارداگەرى ناعيما جاقيانوۆا جالپى اۋداندىق سەنبىلىكتەن تىس قالماۋعا شەشىم قابىلداعان. ول ءوز كەزەگىندە بىرلەسكەن جۇمىس حالىقتى بىرىكتىرىپ قانا قويماي, تازالىق جۇمىستارىن ءتيىمدى جۇرگىزۋگە مۇمكىندىك بەرەتىنىن اتاپ ءوتتى.
«كوپتىڭ اتى كوپ. كوپشىلىك بىرىكسە, ەڭ قيىن دەگەن شارۋانىڭ ءوزىن اتقارىپ تاستايدى. اۋدان حالقى بولىپ جۇمىلىپ, تازا جەردە ءومىر ءسۇرۋدى ادەتكە اينالدىرۋىمىز كەرەك», دەپ ءبولىستى ناعيما ساپارحانقىزى.
ءىس-شاراعا بەلسەندى قاتىسقان مادەنيەت قايراتكەرى ايجارىق ابىلقاسىموۆ مادەنيەت تۇتاستاي العاندا تازالىقتان باستالاتىنىن اتاپ ءوتتى.
ء«بىرىنشى كەزەكتە اۋدانىمىزدىڭ قۇرىلعانى ءۇشىن ەرەكشە العىس ايتقىم كەلەدى. ماقانشى اۋدانى دەربەس اكىمشىلىك-اۋماقتىق بىرلىك مارتەبەسىن الدى, سونىڭ ارقاسىندا ءبىز وسىنداي باستامالاردى بارىنشا ءتيىمدى ۇيىمداستىرىپ, جۇزەگە اسىرا الامىز. سەنبىلىككە قاتىسۋدىڭ وسكەلەڭ دە, اعا بۋىننىڭ دا تاربيەلىك اسەرى زور ەكەنىن ەرەكشە اتاپ وتكىم كەلەدى. وسكەلەڭ ۇرپاق تازالىق ءبىرىنشى كەزەكتە ءوز ۇيىنەن باستالاتىنىن جانە اينالاداعى تازالىق وي تازالىعىن بىلدىرەتىنىن ەستە ۇستاۋى قاجەت», دەپ اتاپ ءوتتى ايجارىق ابىلقاسىموۆ.
قورشاعان ورتانى تازارتۋعا جانە كوگالداندىرۋعا ىنتالى قاتىسقان جەرگىلىكتى بالالار مەن جاسوسپىرىمدەردىڭ بەلسەندىلىگى جوعارى بولدى. قاتىسۋشىلار اۋدان تازالىعىنا ۇلەس قوسىپ, وتباسى مەن جاقىندارىمەن تازا اۋادا ءتيىمدى ۋاقىت وتكىزدى.