«كيەلى مەكەن» اكتسياسى اياسىندا 250 ادام ۇلان اۋدانىنداعى اقباۋىر ارحەولوگيالىق كەشەنىنىڭ اينالاسىن تازارتىپ, كوشەتتەر وتىرعىزدى, دەپ حابارلايدى Egemen.kz.
ەكولوگيالىق شارانى ۇلان اۋدانى اكىمدىگى مەن شقو جۋرناليستەر وداعى فيليالى ۇيىمداستىردى.
«تازا قازاقستان» ەكولوگيالىق اكتسياسى شەڭبەرىندە وبلىستىڭ قالالارىندا, اۋداندارى مەن اۋىلدارىندا اباتتاندىرۋ, كوگالداندىرۋ, تازالاۋ جۇمىستارى جۇرگىزىلىپ جاتىر.
تاريحي ەسكەرتكىشتەردى قورعاۋ كۇنىندە جانە «كيەلى مەكەن» اپتالىعىندا قورجىنباي تاۋىنىڭ بوكتەرىندەگى اقباۋىر ارحەولوگيالىق كەشەنى مەن بەستەرەك ولكەتانۋ مۋزەيىنىڭ ماڭى تازارتىلدى, كوشەت ەگىلدى.
«بۇگىن تاريحي ماڭىزى زور «اقباۋىر» كەشەنىنىڭ اۋماعى تازالاندى. ەكولوگيالىق اكتسيا اياسىندا كەشەن اۋماعىنا 50 ءتۇپ كوشەت, بەستەرەك اۋىلىنداعى مۋزەي اۋماعىنا 30 ءتۇپ كوشەت وتىرعىزىلدى. سونداي-اق, قاتىسۋشىلارعا ارناپ ۇلان اۋدانىنىڭ مادەنيەت قىزمەتكەرلەرىنىڭ دايىنداعان مەرەكەلىك كونتسەرتى قويىلىپ, اس بەرىلدى», دەيدى ۇلان اۋدانى ىشكى ساياسات ءبولىمىنىڭ باسشىسى قانات ورالبەك.
ايتقانداي, بۇل ىسكە جۋرناليستەر قاۋىمى دا بەلسەنە قاتىسقان. ولار كەشەننىڭ كىرەبەرىسىنەن تورگە قاراي قورشاۋدى جاعالاي باتىس التايدىڭ جاسىل شىرشاسىن ەكتى.
«نەگە ەكەنىن قايدام, وسىنداي كيەلى جەرلەر ءجيى لاستانادى. تۋريستەردىڭ دەنى دەمالۋ مادەنيەتىن بىلمەي مە, شاشىپ كەتەدى. سوندىقتان, وسىنداي شارالاردى ءجيى ءارى كەڭ كولەمدە ۇيىمداستىرسا, بىرەۋ بولماسا, بىرەۋى ويلانار ەدى. قالامىز دا, دالامىز دا لاستانباس ەدى. بۇگىن ءبىز شقو جۋرناليستەر وداعى فيليالىنىڭ شاقىرتۋىمەن سەنبىلىككە كەلدىك. كوشەت وتىرعىزدىق, اينالانى تازالادىق», دەيدى وبلىستىق «مەنىڭ ولكەم» گازەتىنىڭ ءتىلشىسى ۆالەنتينا سۆيردەنكو.
ۇلان اۋدانىندا ۇيىمداستىرىلعان «كيەلى مەكەن» اكتسياسى وتە جوعارى دەڭگەيدە ءوتتى.