سەناتتىڭ كونستيتۋتسيالىق زاڭناما, سوت جۇيەسى جانە قۇقىق قورعاۋ ورگاندارى كوميتەتىنىڭ دەپۋتاتتارى كەڭەيتىلگەن وتىرىس وتكىزدى. وندا قازاقستان مەن قىتايدىڭ ىنتىماقتاستىعىنا قاتىستى زاڭ تالقىلاندى.
زاڭنىڭ مىندەتى – ەكى ەل ازاماتتارىنىڭ قۇقىقتارى مەن مۇددەلەرىن قورعاۋدىڭ تيىمدىلىگىن ارتتىرۋ, سونداي-اق ازاماتتىق جانە قىلمىستىق ىستەر بويىنشا قۇقىقتىق كومەك كورسەتۋ ماسەلەلەرى بويىنشا ىنتىماقتاستىقتى دامىتۋ.
قۇجاتتا قازاقستان رەسپۋبليكاسىنىڭ اۋماعىندا شەتەلدىك سوتتاردىڭ شەشىمدەرى مەن وتىنىشتەرىن ورىنداۋ سالاسىندا قۇقىقتىق كومەك كورسەتۋ جونىندەگى سوت ورگاندارىنىڭ فۋنكتسيالارىن ناقتىلاۋ, سونداي-اق ەكى تاراپتىڭ قۇزىرەتتى مەكەمەلەرىنە باسىمدىق بەرۋ كوزدەلگەن.
دەپۋتاتتار وتىرىس قورىتىندىسى بويىنشا «1993 جىلعى 14 قاڭتارداعى قازاقستان رەسپۋبليكاسى مەن قىتاي حالىق رەسپۋبليكاسى اراسىنداعى ازاماتتىق جانە قىلمىستىق ىستەر بويىنشا قۇقىقتىق كومەك كورسەتۋ تۋرالى شارتقا وزگەرىستەر ەنگىزۋ تۋرالى حاتتامانى راتيفيكاتسيالاۋ تۋرالى» زاڭدى پالاتانىڭ قاراۋىنا جىبەرۋ تۋرالى شەشىم قابىلدادى.