قاراعاندىدا ءۇش جاسار قىز ءتورتىنشى قاباتتىڭ تەرەزەسىنەن قۇلاپ كەتتى, دەپ حابارلايدى Egemen.kz.
وقيعا كەشە, 16 ساۋىردە مايقۇدىق شاعىناۋداندارىنىڭ بىرىندە بولعان. ءبۇلدىرشىن اۋىر حالدە اۋرۋحاناعا جەتكىزىلدى.
قاراعاندى وبلىسىنىڭ توتەنشە جاعدايلار دەپارتامەنتى وقيعا كەزىندە قىزدىڭ اناسى كورشى بولمەدە بولعانىن حابارلادى.
«16 ساۋىردە قاراعاندى قالاسى, كۇزەمباەۆ كوشەسى بويىنداعى ءا.بوكەيحانوۆ اتىنداعى اۋداندا, بەس قاباتتى تۇرعىن ۇيدە ەرەسەكتەردىڭ قاراۋىنسىز قالعان 2021 جىلى تۋعان قىز بالا ءتورتىنشى قاباتتاعى پاتەردىڭ تەرەزەسىنەن قۇلاپ, اۋرۋحاناعا جاتقىزىلدى. اناسى كورشى بولمەدە بولعان. ءبۇلدىرشىن اۋىر حالدە جاتىر», دەدى ۆەدومستۆو وكىلدەرى.