كوشەتتەن – سايالى باققا

وڭىردەگى اكتسيا تا­راز قالاسىنداعى ىقى­لاس دۇكەن ۇلى اتىن­داعى مادەنيەت ءۇيىنىڭ ماڭىنا تال كوشەتتەرىن وتىرعىزۋدان باستالدى. بۇعان قوسا وبلىس ور­­­تالىعى مەن جۋالى اۋدا­نى­نىڭ اۋماعىندا دا اكتسيا ايا­سىن­دا بىرقاتار ءىس-شارا ۇيىم­داس­تىرىلدى. وعان جەرگىلىكتى ازاماتتار قولداۋ كورسەتتى.

«جاسىل جەلەككە ورانعان جامبىل جەرىن گۇلدەندىرۋدىڭ, قورشاعان ورتانى قورعاۋدىڭ ءمانى زور. سول تۇرعىدان العاندا رەسپۋبليكالىق دەڭگەيدە قولعا الىنعان اكتسياعا جۇدىرىقتاي جۇمىلا قاتىسقان ءجون. بۇل ىسكە بەلسەندىلىكپەن اتسالىسىپ جات­قان ءاربىر ازاماتقا تەك العىس ايتامىز. ءوڭىرىمىز كوركەيىپ, گۇل­دەنە بەرسىن», دەيدى بوكستان افي­نى وليمپياداسىنىڭ چەمپيونى باقتيار ارتاەۆ.

اكتسيا جامبىل جەرىندە بەس اپتا بويى وتكىزىلەدى دەپ جوس­پارلانعان. تاراز قالاسىنان بو­لەك ءوڭىردىڭ بارلىق اۋدانىندا قورشاعان ورتانى قورعاۋعا ارنالعان ءتۇرلى ءىس-شارالار ۇيىم­داستىرىلماق. بۇل ىسكە اۋىل تۇر­عىندارى دا بەلسەنە اتسالىسادى. «تازا ولكەنىڭ» العاشقى اپتاسىندا ەلدى مەكەن تۇرعىندارى مەن قوعام بەلسەندىلەرى, ءتۇرلى مەكەمە قىزمەتكەرلەرى اۋلالاردى تازار­تۋعا بەلسەنە كىرىستى.

قازىرگى كەزدە تالاس اۋدانىنا قاراستى بارلىق اۋىلدا اۋلا­لاردى تازارتۋ قولعا الىنعان. جەرگىلىكتى اتقارۋشى بيلىك بۇل ور­تاق ىسكە قولدان كەلگەنشە قول-د­ا­ۋ كورسەتىپ وتىر. جۇزدەن اسا ازامات اكتسياعا ءوز ۇلەسىن قوسىپ جاتىر. سونداي-اق ەرىكتىلەر دە جۇ­مىلعانىن ايتا كەتكەن ءجون. دە­رەككە جۇگىنسەك, العاشقى كۇن­نىڭ وزىندە 236 جول بەلگىسى, 27 ايال­داما جانە 360 تىرەك رەتكە كەل­تىرىلىپتى.

جامبىلدىقتار اكتسيانىڭ «كيەلى مەكەن» اتالعان ەكىنشى اپتاسىندا تاريحي-مادەني ەسكەرت­كىشتەردىڭ اۋماعىن اباتتاندىرۋ جۇمىسىن قولعا الۋعا بەكىنىپ وتىر. ال «جاسىل ايماق» اپ­تا­سىن­دا كوشەت وتىرعىزۋ, اعاش­تار­دى اكتەۋ جۇمىستارى جاندانادى.

«اينالانىڭ تازا بولعانى – قانداي جاقسى. تازالىق ادام دەنساۋلىعىنا ايتارلىقتاي جاق­سى اسەر ەتەتىنى انىق. بۇل اكتسيانى قوس قولداپ قولدايمىن. قالاي دەسەك تە قورشاعان ورتاعا جاناشىرلىقپەن قاراعانىمىز ابزال. بۇل – كىسىلىك پارىزىمىز», دەيدى مەديتسينا عىلىمدارىنىڭ دوكتورى سەيتحان جوشىباەۆ.

جامبىل وبلىسى