اۋىل تۇرعىندارىنىڭ بيزنەسىن قولدايتىن «اۋىل اماناتى» جوباسى «اmanat» پارتياسىنىڭ باستاماسىمەن 2022 جىلى قولعا الىنىپ, 2023-2025 جىلدار ارالىعىندا جالعاسادى دەپ بەلگىلەنگەن بولاتىن. جوبانىڭ نەگىزگى ماقساتى – اۋىلداعى بيزنەستى, اۋىل شارۋاشىلىعى تاۋارىن وندىرۋشىلەردى جان-جاقتى قولداۋ, اۋىل تۇرعىندارىن اگرارلىق بيزنەسكە بارىنشا تارتۋ, ازىق-ت ۇلىك قاۋىپسىزدىگىنە جانە ازاماتتاردىڭ ءومىر ءسۇرۋ ساپاسىن جاقسارتۋعا بايلانىستى ماسەلەلەردى شەشۋ. باعدارلاما اياسىندا جىل سايىن ەلىمىزدىڭ بارلىق وبلىسىنا بيۋدجەتتىك نەسيە بەرىلەدى.
سول 2022 جىلدىڭ جاز ايلارىندا «ساياسي مەنەدجمەنت اكادەمياسى» وسى جوبانى ىسكە اسىرۋ اياسىندا «تابىستاردى كوبەيتۋ ماقساتىندا حالىقتىڭ ەكونوميكالىق بەلسەندىلىگىنىڭ ءوسۋى سالاسىندا باسشىنىڭ قۇزىرەتتىلىگىن ارتتىرۋ» تاقىرىبى بويىنشا ەلىمىزدىڭ بارلىق اۋىلدىق اكىمىن وقىتتى. وعان بارلىق 2 135 اۋىل اكىمىمەن قوسا «اmanat» پارتياسى اۋماقتىق فيليالدارىنىڭ اتقارۋشىلارى دا قاتىستى.
«اۋىل اماناتى» جوباسىنىڭ ماقساتى مەن مىندەتىن ءتۇسىندىرۋ بويىنشا 40 كۇندىك اقپاراتتىق مارافون جاسالدى, تۇسىندىرمە جۇرگىزۋدىڭ جەدەل توپتارى رەسپۋبليكامىزدىڭ بارلىق وبلىسىنداعى 175 اۋداننىڭ 425 اۋلى مەن اۋىلدىق وكرۋگىن ارالادى. كەزدەسۋلەر بارىسىندا ءموبيلدى توپ مۇشەلەرى اۋىل تۇرعىندارىنا جەڭىلدەتىلگەن نەسيە الۋ, ليزينگ مۇمكىندىكتەرى جانە حالىقتىڭ تابىسىن ارتتىرۋعا باعىتتالعان باسقا دا قۇرالدار تۋرالى اقپارات بەردى, سونداي-اق اۋىل ازاماتتارىنىڭ سۇراقتارى مەن ۇسىنىستارىنا ناقتى جاۋاپتار ايتىلدى.
وسى ۋاقىت ارالىعىندا سولتۇستىك اۋىل بيزنەسمەندەرى باعدارلاماعا بەلسەندى قاتىسىپ ءجۇر. تەك قىزىلجار اۋدانىندا 45 تۇرعىن جوباعا قاتىسىپ, 398 ملن تەڭگەنىڭ جەڭىلدەتىلگەن نەسيەسىن الدى. سونىڭ ىشىندە «پريبرەجنوە» سەلوسىنىڭ تۇرعىنى ستانيسلاۆ ۆولكوۆ ءوزىنىڭ تەحنيكالىق قىزمەت كورسەتەتىن ستانساسىن (تقكس) دامىتۋ ءۇشىن 8 ملن تەڭگەگە يە بولدى. ەندى ول ءوز ءۇيىنىڭ اۋلاسىندا عانا جۇمىس ىستەپ كەلگەن تقكس اۋماعىن كەڭىتىپ, جاڭادان ۇلكەن بوكس اشتى.
«جاڭا بوكستى دا جىلىتىپ, ىشىندە جۇمىس ىستەيتىن قىلدىق. قوسىمشا ەكى كوتەرگىش ساتىپ الدىم. ەرىنبەگەن ادامعا جوندەۋ جۇمىسى دەگەنىڭىز جەتىپ ارتىلادى. اۋىل شارۋاشىلىعى تەحنيكالارىن دا جوندەۋگە بولادى. سونىڭ ارقاسىندا اي سايىنعى تولەمدەرىمدى ۋاقىتىندا تولەپ تۇرمىن», دەيدى س.ۆولكوۆ.
وسى اۋىلدىڭ تاعى ءبىر تۇرعىنى ءامىر باۋكەنوۆ قوي وسىرۋمەن اينالىسادى. «مال وسىرسەڭ قوي ءوسىر, تابىسى ونىڭ كول-كوسىر» دەگەن اتا-بابا ناقىلىن باسشىلىققا العان ول نەسيەگە 115 تۇياق قوي ساتىپ الدى. قازىر قاراماعىندا وزىنەن باسقا ءۇش ادام ناپاقاسىن ايىرىپ ءجۇر.
«بۇرىن ءوز اقشاما 130-داي تۇياق قوي ساتىپ الىپ, ەڭبەكتەنىپ جۇرگەنمىن. ەندى مىنا جەڭىلدەتىلگەن نەسيەنىڭ ارقاسىندا 250 تۇياققا جەتكىزدىم. ءاربىر ەركەك قويدى سەمىزدىگىنە قاراي 50-60 مىڭ تەڭگەگە ساتامىن. سوندىقتان تابىسىم, شۇكىر, از ەمەس. جەمازىقتى ءوزىمىز دايىندايمىز. جالپى, قوي ءوسىرۋ جاقسى تابىس كوزى بولاتىنىنا سەنىمدىمىن», دەيدى ول.
بەسكول اۋلىنىڭ تۇرعىنى ءمادينا قاباەۆانىڭ بيزنەسى اۋىل شارۋاشىلىعىنا جاقىن دەپ ايتۋ قيىن. الايدا قازىر اۋىل تۇرعىندارى ونىڭ دا قىزمەتىن پايدالاناتىن كورىنەدى. بەسكول اۋلىنىڭ ءوزى قىزىلجاردىڭ تۇبىندە ورنالاسقان ۇلكەن اۋىل بولعاندىقتان, ونىڭ تۇرعىندارى نەگىزىنەن قالا ومىرىمەن تىرلىك ەتەدى. كوپتەگەن تۇرعىن قىزىلجاردىڭ مەكەمە-كاسىپورىندارىندا قىزمەت ىستەيدى. مىنە, وسى جاندارعا ءمادينا قاباەۆا لازەرلىك ەپيلياتسيا قىزمەتىن كورسەتەدى. ءمادينا «اۋىل اماناتى» باعدارلاماسىنىڭ كونكۋرسىنا ءتۇسىپ, ءوز قىزمەتىنىڭ اۋىل ادامدارىنا قاجەتتى ەكەنىن دالەلدەپ شىعىپ, جەڭىل دەتىلگەن نەسيەگە قول جەتكىزگەن. نەسيە قارجىسىنا گەرمانيادان «نوlkon» اتتى قىمبات اپپارات ساتىپ العان.
«بۇل اپپاراتتىڭ قۇنى – 3 ملن تەڭگە. جارتى جىلدا-اق ونىڭ باعاسىن شىعارىپ الاتىنىما سەنىمدىمىن. ءارى قاراي تازا تابىسقا يە بولامىن. ءوزىمنىڭ ماماندىعىم – دارىگەر-دەرماتوكوسمەتولوگ. قىزمەتىمنىڭ تۇرعىندارعا قاجەتتىلىگىنە كوزىم جەتكەن. «اۋىل اماناتى» باعدارلاماسىنىڭ نەسيەسى ماعان ىزدەگەنگە سۇراعان بولدى. ءوسىم پايىزى تومەن, ونىڭ ۇستىنە «نەسيەلىك كانيكۋل» دا بەرەدى. سوندىقتان مەن بۇل نەسيەنى العانىما قۋانىشتىمىن», دەيدى م.قاباەۆا.
بەسكول اۋلىنىڭ تاعى ءبىر تۇرعىنى راديك ساعيتوۆ «اۋىل اماناتى» بويىنشا نەسيە الىپ, بودەنە وسىرۋگە كىرىسكەن. بۇل بيزنەسپەن ساعيتوۆتىڭ وتباسى مۇشەلەرى تەگىس اينالىسادى. شاعىن قۇس فەرماسى ءۇيدىڭ ىرگەسىندە ورنالاسقان. 1500 باس بودەنەگە ارنالعان ارنايى توردى راديك ساعيتوۆتىڭ سىزباسىمەن جەرگىلىكتى ىسمەرلەر جاساپ بەرگەن.
وندا تۇراقتى تەمپەراتۋرا, جەلدەتكىش جانە قي تۇسەتىن لەنتا بار. حالىق اراسىندا بودەنەنىڭ ەتى دە, جۇمىرتقاسى دا مىڭ ءتۇرلى دەرتكە داۋا ەكەنى ءجيى ايتىلادى. ادامنىڭ ويلاۋ قابىلەتىن ارتتىرىپ, اعزانى ءتۇرلى جۇقپالى اۋرۋدان قورعايتىن كورىنەدى. ال ءدامى ءتىل ۇيىرەدى ءارى تويىمدى. دالىرەك ايتساق, كادىمگى تاۋىق جۇمىرتقاسىنا قاراعاندا ءبىر گرامم بودەنە جۇمىرتقاسى قۇرامىندا ا جانە D دارۋمەندەرى ەكى ەسە كوپ ەكەنى دالەلدەنگەن. سوندىقتان بودەنەنىڭ جۇمىرتقاسىنا دەگەن سۇرانىس ۇلكەن.
راديك ساعيتوۆتىڭ ايتۋىنا قاراعاندا, بودەنەنى ينكۋباتور ارقىلى جۇمىرتقادان وندىرگەن. ارقايسىسى 200 جۇمىرتقاعا شاقتالعان ءۇش ينكۋباتور ساتىپ العان. بالاپاننىڭ جۇمىرتقانى جارىپ شىعۋىنا 17 كۇن كەتەتىن كورىنەدى.
ء«بىر بودەنە ايىنا 25 جۇمىرتقا بەرەدى. ازىرگە ءبىزدىڭ تورلارىمىزدا ءالى بالاپان ءوسىپ شىققان جوق, ال تورلارىمىز تولعان سوڭ, كۇنىنە 1500-گە دەيىن جۇمىرتقا الامىز با دەگەن ءۇمىتىمىز بار. پەتروپاۆلدىڭ سۋپەرماركەتتەرى ونى ساتىپ الۋ تۋرالى الدەن كەلىسىمشارت جاساپ قويدى», دەيدى ر.ساعيتوۆ.
راسىمدەگەن نەسيەسىنىڭ كولەمى 14 ملن تەڭگە ەكەن. بيزنەسمەن ەكى جىلدىڭ ىشىندە نەسيەنى تولىق تولەپ, تازا تابىستىڭ جولىنا شىعۋدى كوزدەپ وتىر.
«اۋىل اماناتى» باعدارلاماسى بويىنشا نەسيەلەردى «سولتۇستىك» الەۋمەتتىك كاسىپكەرلىك كورپوراتسياسى تاراتادى. بيىل ولار 250 ۇسىنىستى زەرتتەپ, نەسيە بەرۋ ماسەلەسىن شەشەدى. شاعىن جانە ورتا بيزنەس سالاسىندا مەملەكەتتىك باعدارلامالاردى ورىنداۋ ءبولىمىنىڭ باسشىسى تالعات جۇمابەكوۆتىڭ ايتۋىنشا, بيىل «اۋىل اماناتى» باعدارلاماسىنا رەسپۋبليكالىق بيۋدجەتتەن 1,8 ملرد تەڭگە قاراستىرىلعان.
سولتۇستىك قازاقستان وبلىسى