باسقا باسىلىمداردان: ەڭ اۋىر تابيعي اپات

پرەزيدەنت قاسىم-جومارت توقاەۆ بۇل قازاقستاندا كەيىنگى 80 جىلداعى ەڭ اۋىر تابيعي اپات ەكەنىن ايتتى. تەلەارنا ارقىلى حالىققا ارناعان ۇن­دەۋىندە توقاەۆ مىرزا ۇكىمەت سۋ تاسقىنىنىڭ سالدارىن جويۋ بو­يىنشا جۇمىستى كۇشەيتكەنىن, بارلىق قاجەتتى كومەك كور­سەتىلەتىنىن ايتتى.

«سۋ تاسقىنىمەن كۇرەسۋگە توتەنشە جاعدايلار مينيستر­لىگىنىڭ بارلىق رەسۋرسى تارتىلدى. سونداي-اق قۇتقارۋ جۇمىستارىنا ىشكى ىستەر مينيسترلىگى, ۇلتتىق ۇلان, قارۋلى كۇشتەر جəنە ۇلتتىق قاۋىپسىزدىك كوميتەتىنىڭ ماماندارى بەلسەنە اتسالىسىپ جاتىر. زارداپ شەككەن ايماقتاردىڭ əكىمدىكتەرى كۇندىز-ءتۇنى جۇمىس ىستەپ جاتىر. ونداعان مىڭ ۆولونتەر دە كومەكتەسىپ ءجۇر. جاعداي وتە كۇردەلى بولسا دا, ءبىز قيىندىقتى مىندەتتى تۇردە ەڭسەرەمىز, بارلىعىن قالپىنا كەلتىرەمىز. ەڭ باستىسى – ازاماتتاردىڭ اماندىعى», دەدى ق.توقاەۆ.

سۋ تاسقىنى توقتاۋىن دۇعاسىنا قوستى

ريم پاپاسى فرانتسيسك ءار اپتانىڭ سارسەنبىسىندە وتەتىن ءداستۇرلى اۋديەنتسياسى كەزىن­دە قازاقستان حالقىنا قولداۋ ءبىلدىردى.

ريم پاپاسى قازاقستاننىڭ كوپتەگەن ايماعى زارداپ شەككەن, مىڭداعان ادامداردى ەۆا­كۋاتسيالاۋعا ءماجبۇر بولعان قات­تى سۋ تاسقىنىنان زارداپ شەككەندەردى قۇتقارۋ ءۇشىن دۇعا ەتۋدى سۇرادى.

كاسپي تەڭىزىنە قۇياتىن جايىق وزەنىندەگى سۋ قاۋىپتى دەڭگەيدەن 70 سم-گە اسىپ, 10 مەترگە جەتكەننەن كەيىن ەلدى مەكەندەردى سۋ باستى. 100 مىڭنان استام ادام قاۋىپسىز جەرگە كوشىرىلگەن.

«مەن وسى ۋاقىتتا قازاقستان حالقىنا رۋحاني جاقىن ەكەنىمدى جەتكىزگىم كەلەدى», دەدى ريم پاپاسى 2024 جىلعى 10 ساۋىردە ءوزىنىڭ جالپى اۋديەنتسياسىندا سويلەگەن سوزىندە.

بەس بانك پوزيتسياسىن جاقسارتتى

جەتەكشى رەيتينگ اگەنت­تىك­تەرىنىڭ ءبىرى سانالاتىن «S&P Global Ratings» ءوز بولجامىن قاي­تا قاراپ, قازاق­ستاننىڭ بەس بان­كىسىنىڭ پوزيتسياسىن كوتەردى.

S&P ساراپشىلارى كەيىنگى جىلدارى قازاقستاننىڭ بانك سەكتورى ماكروەكونوميكالىق تاۋەكەلدەرگە, اسىرەسە ايماقتاعى گەوساياسي تۇراقسىزدىقتىڭ كۇشەيۋى اياسىندا توزىمدىلىك تانىتقانىن اتاپ ءوتتى.

بانك اكتيۆتەرىنىڭ ساپاسى مەن قارجىلاي كورسەتكىشتەرى تالداۋشىلاردىڭ كۇتكەنىنەن ايتارلىقتاي اسىپ ءتۇستى. نا­تي­جەسىندە, S&P ەكونوميكالىق تاۋەكەلدەردى باعالاۋدى جاقسارتتى جانە سالالىق تاۋەكەلدەر ءۇردىسىن «وڭ» دەڭگەيىنە قايتاردى. مىسالى, 2024 جىلدىڭ باسىنداعى جاعداي بويىنشا مەرزىمى وتكەن نەسيەلەردىڭ ۇلەسى (90 كۇننەن استام مەرزىمى وتكەن) جالپى پورتفەلدىڭ نەبارى 3%-ىن قۇرادى, بۇل وتكەن جىلدارمەن سالىستىرعاندا ايتارلىقتاي تومەن بولدى. رەيتينگىگە «Halyk Bank», «Kaspi Bank», «Bank CenterCredit», «ForteBank» جانە «نۇربانك» سياقتى بانكتەر ەندى.

AIX ديرەكتورىنىڭ وڭ پىكىرى

استانا حالىقارالىق بير­جاسىنىڭ ء(اىح) وپەراتسيا­لىق ديرەكتورى وليۆە گەريس اقپاراتتىق پورتال تىلشى­سىنە بەرگەن سۇحباتىندا قازاق­ستان­نىڭ دامۋى تۋرالى دا ءوز وي-پى­كىرىن ءبىلدىردى.

وليۆە گەريس AIX-كە كەلگەنگە دەيىن قاتار قور بير­جاسىنىڭ باس وپەراتسيالىق ديرەكتورى قىزمەتىن اتقارعان. ونىڭ تاجىريبەسى AIX-ءتىڭ ورتالىق ازيادا, ودان تىس جەر­لەردە قارجى ورتالىعى رەتىندە قالىپتاسۋىنا ىقپال ەتكەن.

«قازاقستان مۇناي مەن گازدىڭ ءىرى ءوندىرۋشىسى رەتىندە ءوز ەكونوميكاسىن ارتاراپتاندىرۋعا مىندەتتى تۇردە ۇمتىلۋى كەرەك. مەن ءبىلىم سالاسىندا (اسىرەسە ۋنيۆەرسيتەتتەردە), اۋىل شارۋاشىلىعىنا قاتىستى كاسىپورىنداردا, «Fintech/Smart Tech» كومپانيالارىندا ايتارلىقتاي جەتىستىك­تەردى كورىپ وتىرمىن. قازاقستان – IT-مەن بايلانىستى جوبالار­دىڭ ورداسى, ونىڭ جاس تۇرعىندارىنىڭ كاسىپكەرلىك جانە يننوۆاتسيالىق ءبىلىم-بىلىگى وتە جوعارى. مەنىڭ ويىمشا, قازىر بۇل دەڭگەيگە تەك ساۋد ارابياسى عانا سايكەس كەلەدى», دەيدى وليۆە گەريس.

جالپى, وليۆە گەريس شەتەلدىك ينۆەستورلارعا ينۆەس­تيتسيالىق احۋالدىڭ ايتارلىقتاي جاقسارعانىن دا اتاپ ءوتتى.

ماڭىزدى كەلىسىم

قازاقستان مەن ماكاو تىعىز بايلانىستى, تۋريزم مەن ساۋ­دانى دامىتۋ ماقساتىندا ەكى ايماق اراسىندا ۆيزاسىز رە­جىم ەنگىزۋ تۋرالى كەلىسىمگە قول قويدى. ۆيزاسىز رەجىم ەكى ءوڭىر­دىڭ ازاماتتارىنا ءبىر-بى­رىنە 14 كۇنگە دەيىن ۆيزاسىز كەلۋگە مۇمكىندىك بەرەدى.

بۇل مامىلە قازاقستاننىڭ 2023 جىلدىڭ قاراشاسىندا قىتايمەن كورشىلەس ەكى ەل اراسىندا ۆيزاسىز رەجىم ەنگىزگەن بۇرىنعى كەلىسىمىنەن كەيىن جاسالىپ وتىر. العاشقى كەلىسىم قازاقستان ازاماتتارىنىڭ قىتايعا ءتۇرلى ماقساتتا, سونىڭ ىشىندە ىسكەرلىك, تۋريزم جانە ەمدەۋ ماقساتىندا ساياحاتتاۋىن جەڭىلدەتكەنىمەن, ول گونكونگ پەن ماكاو سياقتى ايماقتارعا تارالمايتىن ەدى. ەندى ماكاوعا دا جول اشىلىپ وتىر.