11 ساۋىردە اقتوبەدەگى وليمپيادالىق رەزەرۆ مەكتەبىندە 14 جاستاعى وقۋشى ەسىنەن تانىپ, كوز جۇمدى. بۇگىن پوليتسەيلەر كۇدىكتى ۇستالعانىن ءمالىم ەتتى, دەپ حابارلايدى Egemen.kz.
«موي گورود» باسىلىمى جازعانداي, قايعىلى وقيعا 11 ساۋىردە بولعان. 8-سىنىپ وقۋشىسى سۋعا شومىلىپ كەلىپ, ەسىنەن تانىپ قالعان. كەيىن ول اۋرۋحاناعا جەتپەي جەدەل جاردەم كولىگىندە كوز جۇمعان.
پوليتسەيلەر دەنساۋلىققا قاساقانا اۋىر زيان كەلتىرۋ دەرەگى بويىنشا قىلمىستىق ءىس قوزعاپ, سوتقا دەيىنگى تەرگەۋ باستالعانىن حابارلادى.
بۇگىن اقتوبە وبلىسىنىڭ پوليتسيا دەپارتامەنتى جۋرناليستەرگە كۇدىكتى انىقتالىپ, ۇستالعانىن ءمالىم ەتتى. قازىر ول ۋاقىتشا ۇستاۋ يزولياتورىندا.
پد وكىلدەرى باسقا مالىمەتتەردى جاريالامادى.
باسىلىم وكىلدەرىنىڭ جازۋىنشا, مارقۇمنىڭ اپكەسى ءىنىسىن جوعارى سىنىپ وقۋشىلارى ۇرىپ-سوققانىن ايتقان.