جىلىوي اۋدانىنىڭ ورتالىعى – قۇلسارى قالاسىنداعى 500 ۇيگە ەلەكتر جارىعى بەرىلدى.
جىلىوي اۋداندىق ەلەكتر جۇيەسى تورابىنىڭ باسشىسى مارات تاڭاتار ۇلىنىڭ ايتۋىنشا, قۇلسارى قالاسىندا كۇن سايىن 60-100 ءۇي ەلەكتر جارىعىنا قوسىلىپ جاتىر.
«سۋ تاسقىنىنا بايلانىستى 5 ساۋىردە قۇلسارى قالاسىنداعى 10 شاعىن اۋداندا جارىق وشىرىلگەن بولاتىن. قازىر سۋ باسپاعان 500 ۇيگە ەلەكتر جارىعى قوسىلدى. جاعدايدى جەدەل قالىپقا كەلتىرۋ ماقساتىندا ۋاقىتشا ترانسفورماتورلار ورناتىلدى. جارىقتى قالپىنا كەلتىرۋ جۇمىستارىن ۇيلەستىرۋ ءۇشىن قۇلسارى قالاسىندا 4 بريگادا ىسكە كىرىستى. بريگادالار قۇرامىنداعى ماماندار 8 ارنايى تەحنيكامەن تاۋلىك بويى جۇمىس اتقارىپ ءجۇر», دەدى مارات تاڭاتار ۇلى.