وڭىرلەرگە قولداۋ كورسەتۋ جانە سۋ تاسقىنى سالدارىن بارىنشا ازايتۋ جۇمىستارى تاۋلىك بويى جۇرگىزىلىپ جاتىر. 3,5 مىڭعا جۋىق جەكەمەنشىك ءۇي سۋ استىندا قالدى. 67 ەلدىمەكەن كولىك قاتىناسىنسىز قالىپ وتىر. بۇل تۋرالى ۇكىمەتتىڭ ءباسپاسوز قىزمەتى حابارلادى, دەپ جازادى Egemen.kz.
«8 وڭىردە توتەنشە جاعداي رەجيمى ساقتالىپ تۇر. قوسىمشا كۇشتەر مەن تەحنيكانىڭ توپتارى جاساقتالدى. قيىن جاعدايعا تاپ بولعان وڭىرلەرگە كومەك كورسەتۋ ءۇشىن وڭتۇستىك وڭىرلەردەن اسكەري قىزمەتشىلەر جۇمىلدىرىلدى. سونىمەن قاتار بىرقاتار وبلىستاردا كەلتىرىلگەن زالالدى ەسەپتەۋ بويىنشا وڭىرلىك كوميسسيالار جۇمىس ىستەپ تۇر», دەلىنگەن حابارلامادا.
ۆيتسە-پرەمەر, سۋ تاسقىنىنا قارسى ءىس-شارالاردى ۇيلەستىرۋ جانە سۋ تاسقىنى سالدارىن جويۋ جونىندەگى رەسپۋبليكالىق شتاب مەڭگەرۋشىسىنىڭ ورىنباسارى قانات بوزىمباەۆ اتاپ وتكەندەي, ءتيىستى كوميسسيالار جۇمىسى اياقتالعاننان كەيىن تۇرعىن ۇيلەردى جوندەۋگە جانە سالۋعا وتەماقى تولەي باستايدى.
«سۋ تاسقىنىنان زارداپ شەككەندەردىڭ باسقا دا مۇلكى مەن مال شىعىنىن وتەۋ ماسەلەلەرى جاقىن ارادا شەشىمىن تابادى», دەدى ق.بوزىمباەۆ.
ەستەرىڭىزگە سالا كەتەيىك, ازاماتتىق قورعاۋ قىزمەتكەرلەرى 99 مىڭنان استام ادامدى ەۆاكۋاتسيالادى, ونىڭ 36 365-ءى بالالار. ۋاقىتشا ورنالاستىرۋ ورتالىقتارىندا 6516 ادام بولسا, ونىڭ 3167-ءسى بالالار.