11 ءساۋىر كۇنى قانىش ساتباەۆتىڭ 125 جىلدىق مەرەيتويىنا وراي پاۆلودار وبلىسىنىڭ ءبىلىم باسقارماسى, مۋزىكالىق كوللەدج – دارىندى بالالارعا ارنالعان مۋزىكالىق مەكتەپ-ينتەرنات كەشەنى جانە بايزاكوۆ اتىنداعى پاۆلودار وبلىستىق فيلارمونياسىنىڭ باستاماسىمەن «ونەر قامقورشىسى» اتتى وبلىستىق ءىس-شاراسى ءوتتى.
اكادەميكتىڭ مەرەيتويىنا وراي وڭىرىمىزدە «ونەر قامقورشىسى» جوباسى ىسكە اسىرىلدى. عىلىمي-زەرتتەۋ جۇمىسىن ازىرلەۋگە «مۋزىكالىق كوللەدج – دارىندى بالالارعا ارنالعان مۋزىكالىق مەكتەپ-ينتەرنات» كەشەنى وقىتۋشىلارى ات سالىستى.
جوبا جەتەكشىسى - قازاقستان رەسپۋبليكاسىنىڭ مادەنيەت ۇزدىگى سەرىك قاسىمحان ۇلى سىزدىقوۆ. ادىستەمەلىك ۇسىنىمنىڭ اۆتورلارى جانە قۇراستىرۋشى-رەسىمدەۋشىلەرى: گۋلنار دۋيسەنوۆنا كاپاشەۆا, دينارا سەريكوۆنا ابەتوۆا, اسەل داۋتوۆنا ارىنوۆا, گاليا ماگزۋموۆنا شاپيەۆا, شىنار جەتپيسباەۆنا ترۋشەۆا, اينۋر الپىسباەۆنا كاراشينا.
بۇل جوبانىڭ ماقساتى – قانىش ساتباەۆتىڭ مۋزىكاداعى كەلبەتىن جانە ونىڭ ءداستۇرلى ءان مادەنيەتىن ساقتاۋعا, وسكەلەڭ ۇرپاق اراسىندا قازاق ءان مۇراسىن ناسيحاتتاۋعا قوسقان ۇلەسىن اشۋ.
شارا بارىسىندا قانىش ساتباەۆ «ونەر قامقورشىسى» اتتى قالامىزدىڭ «مۋزىكا» ءپانى وقىتۋشىلارىنا ارنالعان ادىستەمەلىك جيناقتىڭ تۋساۋى كەسىلدى. بۇل ادىستەمەلىك ۇسىنىمدار ق.ساتباەۆتىڭ ورىنداۋىنداعى ا.زاتاەۆيچپەن جازىپ الىنعان اندەرگە نەگىزدەلىپ جازىلعان. ماتەريالدىڭ وزەكتىلىگى قازاقتىڭ ءان شىعارمالارىن كەڭىنەن ناسيحاتتتاۋعا جانە ولاردى جالپى قوسىمشا ءبىلىم بەرۋ جۇيەسىنە ەنگىزۋگە باعىتتالعان.
سونىمەن قاتار ءىس-شارادا يسا بايزاقوۆ اتىنداعى وبلىستىق فيلورمونيانىڭ ارتىستەرى قانىش يمانتاي ۇلى ا. زاتاەۆيچتىڭ جيناعىنا ەنگىزگەن اندەرىن, قانىش اعانىڭ ۇناتىپ ايتقان اندەرىن, حالىق اندەرىن شىرقادى.