11 ساۋىردە ق.ساتىبالدىعا قاتىستى قىلمىستىق ءىستى قاراۋ شەڭبەرىندە سوت (قر قك 218-بابى 3-بولىگىنىڭ 3-تارماعى) پروكۋروردىڭ ءوتىنىشى بويىنشا زاڭسىز ساتىپ الىنعان اكتيۆتەردى قايتارۋ جونىندەگى راسىمدەردى ورىنداۋ قاجەتتىلىگىنە بايلانىستى پروتسەستىك كەلىسىم جاساسۋ ءۇشىن قوسىمشا مەرزىم بەرۋ تۋرالى شەشىم قابىلدادى, دەپ حابارلايدى Egemen.kz Antikor-دىڭ ءباسپاسوز قىزمەتىنە سىلتەمە جاساپ.
اتاپ ايتقاندا, سوتتالۋشىنىڭ جالپى سوماسى 50 ملرد تەڭگەدەن اساتىن قوسىمشا م ۇلىكتىك اكتيۆتەرىن مەملەكەت پايداسىنا قايتارۋ تۋرالى ماسەلە قارالىپ جاتىر.
بۇعان دەيىن حابارلانعانداي, تەرگەۋ بارىسىندا ق.ساتىبالدى ءوز كىناسىن تولىق مويىنداپ, قىلمىستىق جولمەن الىنعان م ۇلىكتى اشۋعا ىقپال ەتكەن. سوتقا دەيىنگى تەرگەپ-تەكسەرۋ كەزەڭىندە سىبايلاس جەمقورلىققا قارسى قىزمەت سوتتالۋشىنىڭ جانە ونىمەن بايلانىستى تۇلعالاردىڭ جالپى سوماسى 732 ملرد تەڭگەدەن استام م ۇلىكتىك اكتيۆتەرى مەن اقشالاي قاراجاتىن مەملەكەت پايداسىنا (اكىمشىلىك عيماراتتار, ەكسكليۋزيۆتى زەرگەرلىك بۇيىمدار, ليۋكس ۇيلەر, پاتەرلەر مەن اۆتوكولىكتەر, كومپانيالارداعى اكتسيالار مەن قاتىسۋ ۇلەستەرى, تەمىرجول جولدارى مەن اقشالاي قاراجات, شەتەلدىك م ۇلىكتەرىمەن قوسا) قايتارۋدى قامتاماسىز ەتتى.
ايتا كەتەيىك, وسى تۇلعاعا قاتىستى سالىق تولەۋدەن جانە بيۋدجەتكە تولەنەتىن باسقا دا مىندەتتى تولەمدەردەن جالتارۋ فاكتىسى بويىنشا تەرگەۋ جالعاسىپ جاتىر.