توتەنشە جاعدايلار مينيسترلىگىنە قاراستى اازاماتتىق قورعانىس جانە اسكەري بولىمدەر كوميتەتىنىڭ اعا وفيتسەرى ەراسىل سايپاش سۋ تاسقىنى سالدارىنان قانشا ءۇي سۋ استىندا قالعانى تۋرالى مالىمەت ۇسىندى, دەپ حابارلايدى Egemen.kz.
ازاماتتىق قورعانىس قىزمەتتەرى 76 مىڭعا جۋىق ادامدى, ونىڭ ىشىندە 30 مىڭعا جۋىق بالانى جانە 45 مۇمكىندىگى شەكتەۋلى ازاماتتى قاۋىپسىز ورىنعا جەتكىزگەن.
ونىڭ ايتۋىنشا, ۋاقىتشا پانالاۋ بەكەتتەرىنە 7 703 ادام, ونىڭ ىشىندە 3 266 بالا ورنالاستىرىلعان. توتەنشە جاعدايلار, قورعانىس مينيسترلىگى جانە ۇلتتىق ۇلاننىڭ اۋە كەمەلەرى قۇتقارۋ جۇمىسىن ءالى جۇرگىزىپ جاتىر.
«7 ملن 828 مىڭنان استام تەكشە مەتر ەرىگەن قار سۋى شىعارىلدى. 1090-نان استام قۇمقاپ پەن 996,1 مىڭنان استام توننا ينەرتتى ماتەريال توسەلدى», دەدى ول.
ەراسىل سايپاشتىڭ مالىمەتىنشە, تاسقىننان قۇتقارۋ جۇمىستارىنا 16 مىڭعا جۋىق ادام, 3 مىڭعا جۋىق تەحنيكا, 6 اۋە كەمەسى جۇمىلدىرىلعان.
«اتىراۋ, اقتوبە, اقمولا, قوستاناي, باتىس قازاقستان, سولتۇستىك قازاقستان, پاۆلودار وبلىستارىندا 3 412 جەكە تۇرعىن ءۇي, 421 اۋلا جانە 1 926 ساياجاي ءۇيى سۋ استىندا قالدى», دەدى تجم وفيتسەرى.