ء«دىن ماسەلەلەرى بويىنشا بىلىكتى ماماندار دايارلاۋ» جوباسى اياسىندا ماڭعىستاۋ وبلىسىندا اقپاراتتىق-ءتۇسىندىرۋ توپتارىنىڭ مۇشەلەرىنە ارنالعان وقىتۋ سەمينارلارى مەن ترەنينگتەرى ءوتتى.
2024 جىلدىڭ 4-5 ساۋىرىندە اقتاۋ قالاسىنداعى «Grand Nur Plaza» قوناق ءۇيىنىڭ ءماجىلىس زالىندا قر مادەنيەت جانە اقپارات مينيسترلىگىنىڭ ءدىن ىستەرى كوميتەتىنىڭ قولداۋىمەن «رۋحاني جاڭعىرۋ» قوعامدىق قورىنىڭ ۇيىمداستىرۋىمەن ءدىن ماسەلەرى بويىنشا بىلىكتى مامانداردى دايىنداۋعا باعىتتالعان ءىس-شارا ءوتتى. وعان ء«دىن زەرتتەۋ ورتالىعىنىڭ», مەشىتتەردىڭ, ورتا جانە جوعارى وقۋ ورىندارىنىڭ جانە ت.ب ماماندارى, يمامدارى, پسيحولوگتارى مەن تەولوگتارى قاتىستى. جيىندا ءدىن ماسەلەلەرى بويىنشا ءتۇسىندىرۋ توبىنىڭ مۇشەلەرى – پسيحولوگيا جانە پەداگوگيكا مامانى تۋيعانوۆ مىرزابەك سارداربەك ۇلى جانە ءدىنتانۋشى, تەولوگ وسپانوۆ دالەلحان قونىرباي ۇلى سەمينار وقىدى.
مىرزابەك تۋيعانوۆ «دەسترۋكتيۆتى ءدىني يدەولوگيالارعا قارسى تۇرۋداعى دالەلدەۋ ادىستەرى» تاقىرىبى اياسىندا قاتىسۋشىلارعا دەسترۋكتيۆتى ءدىني اعىم جەتەگىندە كەتكەن وتباسىلارمەن اڭگىمە جۇرگىزۋ, بايلانىس ورناتۋ جانە ءوزىن-ءوزى ۇستاۋ جولدارىن ءتۇسىندىردى. سونداي-اق «جاستاردى دەسترۋكتيۆتى ءدىني ۇيىمدارعا تارتۋدىڭ الدىن الۋ نىساندارى مەن ادىستەرى» تاقىرىبىمەن جازاسىن وتەۋشىلەردىڭ اراسىندا تاربيە جانە الەۋمەتتىك جۇمىس جۇرگىزۋ, پسيحولوگيالىق بەينەسىن انىقتاۋ جانە جاعدايدىڭ كۇردەلەنۋىنە جول بەرمەۋ تاسىلدەرى تۋرالى ءسوز قوزعادى.
دالەلحان وسپانوۆ «رۋحاني ادامگەرشىلىك قۇندىلىقتاردى يدەولوگياعا اينالدىرۋ» تاقىرىبى اياسىندا قاتىسۋشىلارعا يسلام دىنىندەگى كۇردەلى پروبلەمالار مەن اسقىنىپ تۇرعان ماسەلەلەردى تۇسىندىرە وتىرا, يسلام الەمىنىڭ بىرلىگى جولىندا تۇرعان نەگىزگى كەدەرگىلەر جانە ونىمەن كۇرەس جولى تۋرالى ايتا كەتتى. سونداي-اق ء«دىني ەكسترەميزنىڭ الدىن الۋ جانە وڭالتۋ جۇمىستارى» تاقىرىبىمەن ماماندارعا جۇمىس بارىسىندا جاعدايدىڭ كۇردەلەنۋىنە جول بەرمەۋ تاسىلدەرى مەن وڭالتۋ قاعيدالارى تۋرالى اقپارات بەردى.
سونىمەن قاتار سەمينارلار مەن ترەنينگتەر بارىسىندا قاتىسۋشىلار تاراپىنان دارىسكەرلەرگە سۇراقتار قويىلىپ, ءماندى جاۋاپتار الىندى.