6 وبلىس – اقتوبە, قوستاناي, پاۆلودار, اقمولا, اتىراۋ, سولتۇستىك قازاقستان سۋ استىندا قالىپ وتىر. 3 702 ءۇيدى سۋ باستى. وسىنداي دەرەكتەردى ورتالىق كوممۋنيكاتسيالار قىزمەتى بريفينگىندە قر تجم رەسمي وكىلى دينارا نۇرعاليەۆا ايتتى, دەپ حابارلايدى Egemen.kz.
د.نۇرعاليەۆانىڭ ايتۋىنشا 10 وڭىردە اكىمدىكتەر جەرگىلىكتى اۋقىمداعى 30 تج جاريالادى. بۇل – اقتوبە, قوستاناي, قاراعاندى, اقمولا, اتىراۋ, پاۆلودار, باتىس قازاقستان, سولتۇستىك قازاقستان, اباي, ۇلىتاۋ وبلىستارى. سۋ تاسقىنى كەزىنەن باستاپ ەل بويىنشا 72 مىڭنان استام ادام ەۆاكۋاتسيالاندى, ونىڭ ىشىندە 17 مىڭنان استامى كامەلەتكە تولماعاندار. ۋاقىتشا ورنالاستىرۋ پۋنكتتەرىندە 14 466 ادام بار, ولاردىڭ 7 269-ى بالا.
«تج ءمينيسترى مەن جەدەل شتاب قىزمەتكەرلەرى قوستاناي وبلىسىندا جۇمىس ىستەپ جاتىر. توبىل وزەنىندە سۋ دەڭگەيىنىڭ كوتەرىلۋ قاۋپى ساقتالىپ تۇر. بۇگىندە ءوڭىردىڭ تجد كۇشتەرى مەن ەرىكتىلەر تارتىلىپ جاتىر. قىزىلوردا, استانا, قاراعاندى وبلىستارىنان, سونداي-اق الماتى قالاسىنان كۇشتەر توپتارى كومەككە كەلەدى. قازىرگى ۋاقىتتا توبىل وزەنىنىڭ جاعالاۋ سىزىعى ۇلكەن كوپىردە نىعايتىلىپ جاتىر. ەرىكتىلەر توبى جۇمىلدىرىلىپ, تاۋلىگىنە 200 ادام قۇتقارىلدى. قوستاناي وبلىسىندا بارلىعى 7,5 مىڭنان استام ادام قۇتقارىلدى جانە ەۆاكۋاتسيالاندى», دەدى اتالعان بريفينگتە تجم-ءنىڭ رەسمي وكىلى.
قوستاناي وبلىسىنىڭ ەۆاكۋاتسيالىق پۋنكتتەرىندە 700-دەن استام ادام ورنالاستىرىلعان.