كەشەدەن بەرى ارناسىنان اسىپ-توگىلىپ تاسىپ جاتقان توبىل وزەنىنىڭ قارقىنى باسەڭدەر ەمەس. قوستاناي اۋدانى اكىمدىگىنىڭ ءباسپاسوز قىزمەتى وزەنگە جاقىن جاتقان ميچۋرين ەلدى مەكەنىندە 9 اۋلاعا سۋ كىرگەنىن حابارلادى. اتالعان ەلدى مەكەننەن 75 ادام ەۆاكۋاتسيالانعان.
«سونىمەن قاتار تۇرعىنداردىڭ قوراسىنداعى 69 باس ءىرى قارا, 21 ۇساق مال قاۋىپسىز جەردەگى «يولۋچەۆ» شارۋا قوجالىعىنىڭ جايىلىمىنا شىعارىلدى. وكىنىشكە قاراي, تۇرعىنداردىڭ كوبى باسپاناسىن تاستاپ كەتۋگە قيماي, ەۆاكۋاتسيادان باس تارتىپ جاتىر. وسى جاعى قيىندىق تۋعىزىپ جاتىر. نەگىزى, قاۋىپتىڭ الدىن الۋ ءىس-شارالارى اياسىندا اپاراتتىق-ءتۇسىندىرۋ جۇمىستارى الدەقاشان جۇرگىزىلگەن», دەيدى اۋدان اكىمدىگىنىڭ ءباسپاسوز حاتشىسى انار قازىكەنوۆا.
قوستاناي وبلىسى