رەسپۋبليكالىق اقپاراتتىق شتابتا وتكەن بريفينگتە «قازگيدرومەت» رمك ءباسپاسوز حاتشىسى الينا يسماگۋلوۆا اتاپ وتكەندەي, رەسپۋبليكانىڭ باسىم بولىگىندە اۋا رايىنىڭ تۇراقسىز سيپاتى ساقتالادى, دەپ حابارلايدى Egemen.kz.
ونىڭ ايتۋىنشا, تۇنگى ۋاقىتتا سولتۇستىك-باتىستا, سولتۇستىكتە جانە ورتالىقتا قارعا اۋىساتىن جاڭبىر بولادى. قازاقستاننىڭ ورتالىعىندا قاتتى جاڭبىر جاۋادى دەپ بولجانىپ وتىر.
«كۇندىز اۋا تەمپەراتۋراسى ەلدىڭ باتىسى مەن شىعىسىندا 13-20 گرادۋس, رەسپۋبليكانىڭ سولتۇستىك-باتىسىندا جانە سولتۇستىگىندە 7-15 گرادۋس, ورتالىعىندا 12-17 گرادۋس, ەلدىڭ وڭتۇستىگىندە 20-25 گرادۋس, رەسپۋبليكانىڭ وڭتۇستىك-شىعىسىندا 17-22 گرادۋس جىلى بولادى دەپ كۇتىلىپ وتىر», دەدى سپيكەر وكق الاڭىندا.