توتەنشە جاعدايلار دەپارتامەنتىندە باتىس قازاقستان وبلىسىنىڭ اكىمى ناريمان تورەعاليەۆ پەن تج ۆيتسە-ءمينيسترى ەرلان نۇرپەيىسوۆتىڭ توراعالىعىمەن وتكەن جەدەل شتاب وتىرىسىندا سۋ تاسقىنى كەزەڭىنىڭ ءوتۋ بارىسى تالقىلاندى. تجد باستىعىنىڭ مىندەتىن ۋاقىتشا اتقارۋشى رۋسلان قاسىمباەۆ وبلىستاعى سۋ تاسقىنى جاعدايى تۋرالى سوڭعى مالىمەتتەردى باياندادى, دەپ حابارلايدى Egemen.kz.
وبلىستىق تجد ءباسپاسوز قىزمەتى ءمالىم ەتكەندەي, 7 مىڭعا جۋىق ادام ەۆاكۋاتسيالاندى, ونىڭ ىشىندە 3 600 بالا بار. ەۆاكۋاتسيالىق پۋنكتتەردە 1 مىڭنان استام ادام ورنالاستى, قالعان 5 485 ادام تۋىستارىنىڭ ۇيىندە قالعان.
كولىك قاتىناسى ۇزىلگەن 10 ەلدى مەكەن دۇكەندەرىندە ازىق-ت ۇلىك قورى الدىن الا ۇيىمداستىرىلعان.
وبلىستاعى احۋال باقىلانىپ جاتىر.
تجد جانە جەرگىلىكتى اتقارۋشى ورگاندارىنىڭ كومەگىمەن ءبورلى اۋدانىنىڭ قاراشىعاناق, ديميتروۆ كەنتتەرىنىڭ تۇرعىندارى ءساتتى ەۆاكۋاتسيالاندى. بارلىعى 25 ادام ەۆاكۋاتسيالاندى, ونىڭ ىشىندە 1 بالا بار.