قحر ازاماتتارى «قورعاس» شىحو اۋماعىنىڭ قازاقستان جاعىندا 6 استىرتىن ويىن بيزنەسى مەن باسقا دا زاڭسىز ارەكەتتەر ۇيىمداستىرعان. بۇل تۋرالى قارجىلىق مونيتورينگ اگەنتتىگى حابارلادى, دەپ جازادى Egemen.kz.
اتالعان ورىنداردى قما جەتىسۋ وبلىسى بويىنشا دەپارتامەنتى وبلىستىق پروكۋراتۋراسىمەن, ۇلتتىق قاۋىپسىزدىك دەپارتامەنتىمەن, وبلىستىق پوليتسيامەن جانە شەكارا قىزمەتىمەن بىرلەسە وتىرىپ جويدى.
انىقتالعانداي, زاڭسىز مەكەمەلەر تۇنگى ۋاقىتتا شەكتەۋلى ادامدار ءۇشىن, اتاپ ايتقاندا, قىتاي ازاماتتارى ءۇشىن عانا جۇمىس ىستەدى.
ء«تىنتۋ ناتيجەسىندە 4 كوممەرتسيالىق عيماراتتا 76 ويىن اۆتوماتى, 43 ويىن ۇستەلى, قۇمار ويىندارىن ۇيىمداستىرۋعا قاجەتتى كوپتەگەن تەحنيكالىق قۇرال-جابدىقتار, سونداي-اق 60 مىڭ يۋاننان استام اقشالاي قاراجات تاركىلەندى», دەلىنگەن حابارلامادا.
سوتقا دەيىنگى تەرگەۋ جالعاسىپ جاتىر.