ەگىستىكتەردەن ەرىگەن قار سۋىنىڭ مول كولەمى ۇزىنكول سۋ قويماسىنا اعىپ, اتالعان سۋ قويما تولىپ كەتكەن. وسىعان بايلانىستى باتىس قازاقستان وبلىسىنىڭ تەرەكتى اۋدانىنداعى ۇزىنكول كەنتىن سۋ باسۋ قاۋپى تۋىندادى, دەپ حابارلايدى Egemen.kz.
تجم ءباسپاسوز قىزمەتى ءمالىم ەتكەندەي, تەرەكتى اۋدانى پودستەپنوە اۋىلىندا, سونداي-اق ورال قالاسىندا حالىقتى الدىن الا ەۆاكۋاتسيالاۋ جۇرگىزىلىپ, بارلىعى 750 ادام, ونىڭ ىشىندە 230 بالا ەۆاكۋاتسيالاندى.
سۋ تاسقىنىنا قارسى ءىس-شارالارعا 112 ادام جانە تجم, جاو, پد-نەن 39 بىرلىك ءتۇرلى تەحنيكا جۇمىلدىرىلعان. سۋ قويماسى بوگەتىن نىعايتۋ بويىنشا جۇمىستار جالعاسىپ جاتىر.
حابارلامادا: «ۇزىنكول سۋ قويماسى بۇزىلعان جاعدايدا ۇزىنكول, يۋبيلەينوە, كەمەر, جاڭا ءومىر, بارباستاۋ اۋىلدارىن سۋ باسۋ قاۋپى بار», دەلىنگەن.