كەشە, 31 ناۋرىزدا اقتاۋ قالاسىنداعى «باتىر» سپورت كەشەنىندە وتكەن Nomad MMA بويىنشا وبلىستىق جارىس كەزىندە 17 جاستاعى سپورتشى كوز جۇمدى. قايعىلى حاباردى ماڭعىستاۋ وبلىسىنىڭ Nomad MMA فەدەراتسياسى مالىمدەدى, دەپ جازادى Egemen.kz.
جەكپە-جەك كەزىندە جاراقات العان 17 جاستاعى جىگىتكە سپورت كەشەنىنىڭ مەديتسينا قىزمەتكەرلەرى العاشقى كومەك كورسەتكەن.
«وكىنىشكە قاراي, ءجاسوسپىرىم كوز جۇمدى. تۋرنير باستالار الدىندا قاتىسۋشىنىڭ جارىسقا دايىندىعىن راستايتىن مەديتسينالىق انىقتاما ۇسىنىلعان ەدى. اتالعان قايعىلى وقيعا – جازاتايىم كۇتپەگەن جاعداي. قازىرگى ۋاقىتتا جۇرگىزىلىپ جاتقان تەرگەۋ اياسىندا قۇزىرەتتى ورگاندار وقيعانىڭ ءمان-جايىن انىقتاپ جاتىر. مارقۇمنىڭ تۋىستارى مەن جاقىندارىنا كوڭىل ايتامىز», دەپ حابارلادى فەدەراتسيا ءباسپاسوز قىزمەتى.