استانا قالاسىندا ايەلىن اسا قاتىگەزدىكپەن قيناپ ءولتىردى دەپ ايىپ تاعىلعان قۋاندىق بيشىمباەۆقا قاتىستى سوت وتىرىسى ءجۇرىپ جاتىر. سوت وتىرىسى ايىپتالۋشىنىڭ سۇراۋىمەن القابيلەر القاسى جانە باق قاتىسۋىمەن ءوتىپ جاتىر. سونداي-اق قوعامدىق رەزونانس تۋدىرعان قايعىلى جاعدايعا قاتىستى سوت وتىرىسى جوعارعى سوتتىڭ رەسمي الەۋمەتتىك جەلىلەرىندە تىكەلەي ەفيردە كورسەتىلىپ جاتىر, دەپ حابارلايدى Egemen.kz.
«مەن ونى جامانداعىم كەلمەيدى. بىراق سالتانات پارادوكسقا تولى ادام بولدى. ونى تۇسىنە المايسىڭ. تۇراقسىز ەدى, كەيدە بىلاي, كەيدە باسقاشا ايتادى. تاڭەرتەڭ «ارالاسپاي-اق قويايىق», دەپ كەتىپ قالدى. كەشكىسىن قايتادان ءبىر جەرگە اپارىپ تاستاۋىمدى سۇرادى», دەپ كۇلدى بيشىمباەۆ سوت زالىندا.
ايتا كەتەيىك, بيشىمباەۆتىڭ بۇل ارەكەتىن مەملەكەتتىك ايىپتاۋشى سىنعا الدى. پروكۋروردىڭ ايتۋىنشا, وسى ارەكەتىمەن بيشىمباەۆ جابىرلەنۋشى تاراپ پەن مارقۇمنىڭ اتىنا قۇرمەتسىزدىك كورسەتىپ وتىر.
ال بيشىمباەۆ جۇزىنە ۇيىرىلگەن كۇلكىنى ايەلى تۋرالى جاقسى ەستەلىكتەرمەن بايلانىستىرىپ, كەشىرىم سۇرادى.