جامبىل وبلىسىنىڭ تۇرعىندارى جەر سىلكىنىسىن سەزدى. جەر استى دۇمپۋلەرىن سەيسميكالىق ستانسالار جەلىسى بۇگىن, 1 ساۋىردە استانا ۋاقىتى بويىنشا ساعات 11:14-تە جەر سىلكىنىسىن تىركەدى, دەپ جازادى Egemen.kz.
جەر سىلكىنىسىنىڭ ەپيتسەنترى قازاقستان اۋماعىندا الماتى قالاسىنان باتىسقا قاراي 308 كم جەردە ورنالاسقان.
جەراستى دۇمپۋلەرى 2 بالدىق كورسەتكىشتە جامبىل وبلىسىنىڭ مەركى اۋىلىندا سەزىلگەن.
«جەر سىلكىنىسىنىڭ ەنەرگەتيكالىق كلاسى 10.2. MPV ماگنيتۋداسى 5.3. ەپيتسەنتردىڭ كوورديناتتارى 42.77° س. ە. 73.18° ش. ب. تەرەڭدىگى 25 كم. سەزىلەتىندىگى تۋرالى مالىمەتتەر (دسم-64 شكالاسى بويىنشا): جامبىل وبلىسىنداعى مەركىدە 2 بالل», دەلىنگەن توتەنشە جاعدايلار مينيسترلىگى تاراتقان حابارلامادا.زارداپ شەككەندەر مەن قيراعان عيماراتتار تۋرالى اقپارات جوق. مونيتورينگ جۇرگىزىلىپ جاتىر.