پرەزيدەنت قاسىم-جومارت توقاەۆتىڭ ءباسپاسوز حاتشىسى بەرىك ءۋالي پرەمەر-ءمينيستردىڭ ورىنباسارى بولىپ تاعايىندالعان قانات بوزىمباەۆتىڭ قانداي ماسەلەلەرگە جەتەكشىلىك ەتەتىنىن ايتتى, دەپ حابارلايدى Egemen.kz.
«مەملەكەت باسشىسىنىڭ جارلىعىمەن قازاقستان رەسپۋبليكاسى پرەمەر-ءمينيسترىنىڭ ورىنباسارى بولىپ تاعايىندالعان قانات الدابەرگەن ۇلى بوزىمباەۆ وڭىرلىك ساياسات, تۇرعىن ءۇي-كوممۋنالدىق شارۋاشىلىق, توتەنشە جاعدايلار جانە سۋ رەسۋرستارى ماسەلەلەرىنە جەتەكشىلىك ەتەتىن بولادى», دەپ جازدى ول.
ەسكە سالايىق, بۇگىن, 31 ناۋرىزدا قانات بوزىمباەۆ پرەمەر-ءمينيستردىڭ ورىنباسارى بولىپ تاعايىندالدى. ول بۇرىنعى اتقارعان لاۋازىمى – پرەزيدەنتتىڭ كومەكشىسى قىزمەتىنەن بوساتىلدى.