وڭتۇستىك وڭىرلەردە سۋ تاسقىنى سالدارىن جويۋ جونىندەگى وبلىستىق جەدەل شتابتىڭ جۇمىسى جالعاسىپ, بارلىق قىزمەتتەر كۇشەيتىلگەن رەجيمدە جۇمىس ىستەپ تۇر. وبلىس اكىمى مەن جۇمىس كوميسسياسى تاۋلىك بويى جەرگىلىكتى جەرلەردە جاعدايدى باقىلاپ, بارلىق جۇمىلدىرىلعان قۇرىلىمداردىڭ ءىس-قيمىلىن ۇيلەستىرىپ وتىر.
ەرىگەن سۋ ەكپىنىنىڭ قاتتى بولۋى سالدارىنان اۆتوموبيل جولدارىنىڭ ۋچاسكەلەرى, سونداي-اق ەلەكتر بەرۋ جەلىلەرى قيرادى.
امانگەلدى جانە جانگەلدى اۋداندارىنىڭ 27-گە جۋىق اۋىلدارى ەلەكتر قۋاتىنسىز قالدى.
«بارلىق قالپىنا كەلتىرۋ جۇمىستارىن بارىنشا جەدەل جۇرگىزۋ قاجەت. مىندەتىمىز – جارىقسىز, بايلانىسسىز قالعان ادامداردىڭ ماسەلەلەرىن دەرەۋ شەشۋ», دەپ تاپسىردى وبلىس اكىمى ق.اقساقالوۆ.
جوندەۋ جۇمىستارى ەلەكتر جەلىلەرىنىڭ سۋمەن قورشالعاندىعىنان كۇردەلى. ەلەكتريكتەر قيىن جاعدايدا, سۋداعى بەلبەۋدە جۇمىس ىستەۋى كەرەك.
سونىمەن قاتار قالپىنا كەلتىرۋ جۇمىستارى جۇرگىزىلىپ جاتىر. قازىرگى ۋاقىتتا 26 اۋىلدا ەلەكترمەن جابدىقتاۋ قالپىنا كەلتىرىلدى.