قىزىلوردا وبلىسى بويىنشا سىبايلاس جەمقورلىققا قارسى ءىس-قيمىل دەپارتامەنتى ساتىپ الۋلاردىڭ بىرىڭعاي تەرەزەسىنە تۇراقتى نەگىزدە مونيتورينگ جاساۋ ارقىلى 131 ملن تەڭگەدەن استام بيۋدجەت قارجاتىنىڭ نەگىزسىز جۇمسالۋ فاكتىسىن انىقتادى, دەپ جازادى Egemen.kz.
اتاپ ايتقاندا, قىزىلوردا وبلىسى قازالى اۋدانى ايتەكە بي كەنتى اكىمىنىڭ اپپاراتى جالپى كولەمى 7 260 ليتر «اي-92» ماركالى بەنزيننىڭ 1 ءليترىن 18 303 تەڭگەگە, ياعني نارىقتىق قۇنىنان 100 ەسە اسىپ, ساتىپ الۋدى جوسپارلاعان.
دەپارتامەنت مەملەكەتتىك ساتىپ الۋدى ۇيىمداستىرۋشىنىڭ اتىنا ساتىپ الۋ باعاسىن قايتا قاراپ, ونى سايكەستەندىرۋ جونىندە ۇسىنىس حات جولدادى.
«اتقارىلعان جۇمىستىڭ قورىتىندىسىمەن 131 ملن تەڭگە شاماسىندا بيۋدجەت قاراجاتى ۇنەمدەلدى, اكىمدىكتىڭ جاۋاپتى تۇلعالارى تارتىپتىك جاۋاپكەرشىلىككە تارتىلدى», دەلىنگەن حابارلامادا.