الماتىداعى شاڭدى داۋىلعا بايلانىستى قالالىق توتەنشە جاعداي دەپارتامەنتى كۇشەيتىلگەن جۇمىس رەجيمىنە كوشتى, دەپ جازادى Egemen.kz.
«توتەنشە جاعدايلار قىزمەتىنىڭ كۇشتەرى مەن قۇرالدارى جوعارى ازىرلىك جاعدايىندا كۇشەيتىلگەن كەزەكشىلىك تۇرىنە اۋىستىرىلدى, جەدەل توپ جۇمىس ىستەپ جاتىر», دەلىنگەن مەكەمە تاراتقان حابارلامادا.
تجد ەرتەڭ الماتى قالاسىندا نوسەر جاڭبىر جاۋىپ, نايزاعاي وينايتىنىن, قاتتى جەل سوعاتىنىن ەسكەرتتى.
«سىزدەردەن جەكە قاۋىپسىزدىك شارالارىن ساقتاۋدى جانە تاۋعا بارۋدان باس تارتۋدى قاتاڭ تۇردە ەسكەرتەمىز. ساق بولىڭىز! وزىڭىزگە جانە جاقىندارىڭىزعا اباي بولىڭىز! داۋىلدى ەسكەرتۋ حابارلانسا, تاۋعا بارۋدى اۋا رايى جاقسارعانشا كەيىنگە قالدىرعان دۇرىس», دەدى توتەنشە جاعدايلار دەپارتامەنتىنىڭ وكىلدەرى.
قالالىق تجد شاڭدى داۋىل كەزىندە عيماراتتارعا زاقىم كەلمەگەنىن قوسا مالىمدەدى.