قاسىم-جومارت توقاەۆ بواو ازيا فورۋمىنىڭ ءححىىى سەسسياسىندا شيكىزاتتىڭ اسا ماڭىزدى تۇرلەرىن ءوندىرۋ ىنتىماقتاستىقتىڭ تاعى ءبىر پەرسپەكتيۆتى باعىتى سانالاتىنىن ايتتى, دەپ جازادى Egemen.kz.
«سيرەك كەزدەسەتىن مەتالدار كوپتەگەن تەحنولوگيا ءۇشىن اسا ماڭىزدى كومپونەنتكە اينالدى. ولار ونەركاسىپ, تسيفرلىق تەحنولوگيالار, عارىش جانە قورعانىس سياقتى ستراتەگيالىق سالالاردا مۇلدەم قالدىق بولمايتىن دەڭگەيگە جەتۋ ءۇشىن قاجەت. ءبىز ۋران, ليتي, تيتان جانە باسقا دا سيرەك كەزدەسەتىن ەلەمەنتتەردىڭ ءىرى كەن ورىندارىن يگەرۋدىڭ ەڭ ءتيىمدى تاسىلدەرىن قولدانۋ ماقساتىندا حالىقارالىق سەرىكتەستەرمەن بىرلەسە جۇمىس ىستەۋدى جالعاستىرا بەرەمىز», دەدى قاسىم-جومارت توقاەۆ.
مەملەكەت باسشىسى ءسوزىن قورىتىندىلاي كەلە, ازيا ءوزىنىڭ ەكونوميكالىق, تەحنولوگيالىق جانە مادەني ارتىقشىلىقتارىن پايدالانۋ ارقىلى الەمنىڭ كەلەشەك دامۋ باعىتىن ايقىنداۋدا شەشۋشى ءرول اتقارا الاتىنىنا سەنىم ءبىلدىردى. بۇل رەتتە پرەزيدەنت بواو ازيا فورۋمى جانە استانا حالىقارالىق فورۋمى (AIF) سياقتى ماڭىزدى حالىقارالىق ديالوگ الاڭدارىنىڭ پراكتيكالىق پەرسپەكتيۆاسى زور ەكەنىن اتاپ ءوتتى. وسى مۇمكىندىكتى پايدالانا وتىرىپ, قاسىم-جومارت توقاەۆ باف قوناقتارىن 2024 جىلدىڭ ماۋسىم ايىندا وتەتىن استانا حالىقارالىق فورۋمىنا شاقىردى.جيىندا باف ديرەكتورلار كەڭەسىنىڭ توراعاسى پان گي مۋن, بۇكىلقىتايلىق حالىق وكىلدەرى جينالىسى تۇراقتى كوميتەتىنىڭ توراعاسى چجاو لەتسزي, ناۋرۋ پرەزيدەنتى دەۆيد ادانگ, شري-لانكا پرەمەر-ءمينيسترى دينەش گۋناۆاردەنا, دومينيكا دوستاستىعىنىڭ پرەمەر-ءمينيسترى رۋزۆەلت سكەرريت, «اقساقالدار كەڭەسى» حالىقارالىق ۇكىمەتتىك ەمەس ۇيىمىنىڭ توراعاسى مەري روبينسون, ەىدۇ باس حاتشىسى ماتياس كورمانن, دۇنيەجۇزىلىك زياتكەرلىك مەنشىك ۇيىمىنىڭ باس ديرەكتورى دارەن تانگ جانە كامبودجا كورولدىگى حالىقتىق پارتياسىنىڭ توراعاسى حۋن سەن سوز سويلەدى.