اڭداتپا: بالزاكتار مەن موپاسساندار

فرانتسۋز ادەبيەتى بۇكىل ەۋروپانىڭ ينتەللەكتۋالدى جانە كوركەمدىك دامۋىندا باستى ورىن العانى بارشاعا ايان. ادەبي بۇرىشقا سول تالاي وقىرماننىڭ جانىن جىلىتقان, تاڭعالدىرىپ, تامساندىرعان الەمگە ايگىلى فرانتسۋز شىعارمالارى قويىلادى. ال اشىلۋ راسىمىنە فرانتسۋز ەلشىلىگىنىڭ وكىلدەرى مەن فرانتسۋز اليانسى قاتىسپاق.

شىرقايدى بۇلبۇل

5 ءساۋىر كۇنى كسرو جانە قازاقستاننىڭ حالىق ءارتىسى بيبىگۇل تولەگەنوۆانىڭ 95 جىلدىعى اياسىندا ء«ان الەمىنىڭ بۇلب ۇلى» اتتى مونوكونتسەرت وتەدى.

ءان كەشىندە جامبىل وبلىستىق في­لار­مونياسىنىڭ ءانشىسى, مادەنيەت سالا­سىنىڭ ۇزدىگى اسەل ۋاشەۆا بيبىگۇل احمەت­قىزىنىڭ رەپەرتۋارىنداعى «كوكتەم ءۆال­سى», «گاۋھارتاس», «ماما» سەكىلدى وزگە دە بىرنەشە ءاندى ورىندايدى. سونداي-اق مونوكونتسەرتتە باحروم مۋمينوۆ, دياس ابىلەكوۆ باستاعان انشىلەر دە ونەر كورسەتەدى. مونو­كونتسەرت فيلارمونيانىڭ يۋتۋب ارناسى ارقىلى كوپشىلىك نازارىنا ۇسىنىلماق.

ساۋىردەگى سىيلىقتار

الداعى ءبىر اي بويى «استانا وپەرا» تەاترىنىڭ ك.باي­سەيىتوۆا اتىنداعى كامە­رالىق زالىندا فرانتسيا مەن قا­­زاقستاننىڭ ورىنداۋشىلارى ونەر كورسەتەدى. ساۋىرگە ارنالعان باعدارلامانى «اس­تانا وپەرا» وركەسترىنىڭ ءبى­رىنشى سكريپكاسى, قازاق­ستان­نىڭ ەڭبەك سىڭىر­گەن قاي­راتكەرى باعدات ءابىل­حانوۆتىڭ جاڭا جوباسى – «مۋزىكالىق اليانس» كامەرالىق كەشتەر توپتاماسى اشادى.

2 ساۋىردە ي.س.باح, ۆ.ا.موتسارت, ا.كازا­دەزيۋس, ي.بەندا مەن باسقا دا كومپو­زيتور­لاردىڭ تۋىندىلارى تەاتردىڭ كامە­رالىق وركەسترىنىڭ, سونداي-اق سكريپكاشىلار باعدات ءابىلحانوۆ, اسەم جاقپاروۆا, بالنۇر قۇدايبەرگەن جانە التشى ولەسيا موروزوۆانىڭ ورىنداۋىندا شىرقالادى. «مۋزىكالىق اليانس» توپتاماسىنىڭ ەكىنشى كونتسەرتى 25 ساۋىردە وتەدى. تىڭدارماندارعا ە.برۋسيلوۆسكي, ا.جۇبانوۆ, م.تولەباەۆ, ع.جۇبانوۆا, ك.كۇمىسبەكوۆ, م.ساعاتوۆ, ا.توقسانباەۆتىڭ شىعارمالارى مەن حالىق كۇيلەرىنىڭ زاماناۋي وڭدەۋلەرى ۇسىنىلادى.

كينو كور دە, «القاعا» كەل

6 ساۋىردە ۇلتتىق اكادەميالىق كىتاپحانادا «القا» ادەبي-ما­دەني كلۋبىنىڭ كەزەكتى وتىرىسى وتەدى. تاقىرىپ – رەجيسسەر فرەنك دارابونتتىڭ «جاسىل ميل» ءفيلمىن تالداۋ.

ويتالقىعا قالامگەرلەر مەن كلۋب مۇشەلەرى, كىتاپحانا وقىرماندارى قاتى­سادى. اتالعان كينوتۋىندىنى كورگەن بولساڭىز, كلۋبتىڭ وتىرىسىنا بارىپ, وي-پىكىرىڭىزبەن بولىسسەڭىز بولادى.