قازاقستان-قىتاي فورۋمى: ساۋدا جانە ەكونوميكالىق ىنتىماقتاستىق كەڭەيتىلدى

ءىس-شاراعا سىچۋان جانە حۋبەي پروۆينتسيالارى ىسكەر توپتارىنىڭ وكىلدەرى, ونىڭ ىشىندە 200-گە جۋىق كاسىپكەر, سالالىق قاۋىمداستىقتاردىڭ باسشىلارى, ەكى ەلدىڭ مەملەكەتتىك جانە كۆازيمەملەكەتتىك سەكتورلارىنىڭ وكىلدەرى قاتىستى.

ەكسپورت ماسەلەلەرى بويىنشا پانەلدىك سەسسيانى اشىلۋ كەزىندە «QazTrade» اق باس ديرەكتورى جەڭىس وسەرباي وتاندىق تاۋار وندىرۋشىلەردىڭ جوعارى الەۋەتىن اتاپ وتكەنى بار. ونىڭ ايتۋىنشا, قىتاي نارىعىنىڭ تاۋارلارعا دەگەن قاجەتتىلىگى وراسان زور. جىل سايىن قىتاي پروۆينتسيالارى ءبىزدىڭ نارىققا كوبىرەك قىزىعۋشىلىق تانىتۋى, مۇنى ساۋدا كولەمى دالەلدەپ وتىرعاندىعىن اتادى.

ەكى ەل اراسىنداعى تاۋار اينالىمى وتكەن جىلدىڭ قورىتىندىسى بويىنشا رەكوردتىق كورسەتكىشتە: 31,5 ملرد اقش دوللارىن قۇراعان.

«قىتايمەن ءوزارا ءىس-قيمىل – الەمدەگى ەڭ ءىرى ينۆەستورلار مەن جەتەكشى ەكونوميكالاردىڭ ءبىرى قازاقستان ءۇشىن تۇراقتى پروگرەسس ءارى ساۋدا-ينۆەستيتسيالىق الەۋەتتى ىسكە اسىرۋدىڭ ۇزاق مەرزىمدى فاكتورى. بىلتىر ءبىز قىتاي نارىعىنا ەركىن ەكسپورتتاي الاتىن اگروونىمدەر تىزبەسىن كەڭەيتتىك», دەيدى ساۋدا جانە ينتەگراتسيا ءمينيسترى ارمان شاققاليەۆ.

سونىمەن قاتار وتاندىق كاسىپورىندار 135 تاۋار ءتۇرى بويىنشا 1 ملرد اقش دوللارى كولەمىندە قىتايعا ونەركاسىپتىك جانە اۋىلشارۋاشىلىق ونىمدەرىنىڭ كەڭ اسسورتيمەنتىن جەتكىزۋگە مۇمكىندىك الدى.

ء​​«بىز قىتايدىڭ ەڭ ءىرى 3 پروۆينتسياسىنىڭ قۇرامىنا كىرەتىن سىچۋان پروۆينتسياسىمەن بەلسەندى جۇمىس جۇرگىزۋدى باستادىق. بۇگىندە قازاقستان مەن اتالعان پروۆينتسيا اراسىنداعى ساۋدا شامامەن 230 ملن اقش دوللارىن قۇرايدى, ونىڭ ىشىندە قازاقستان 45 ملن اقش دوللارىنا ءونىم ەكسپورتتايدى», دەپ وتىر مينيستر.

​ول سونداي-اق 40-تان استام وتاندىق كومپانيالاردىڭ قاتىسۋىمەن چەندۋداعى سوڭعى ساۋدا ميسسياسى قىتاي نارىعىنا سۇرانىس پەن ءبىزدىڭ تاۋارلار ءۇشىن ەكسپورتتىق مۇمكىندىكتەردىڭ اۋقىمىن كورسەتكەنىن اتاپ ءوتتى.

سىچۋان پروۆينتسياسى استىق, كونديتەرلىك جانە ماي ونىمدەرى مەن سۋسىندارعا قوسا, باسقا دا تاۋارلاردى كەڭ كولەمدە ساتىپ الۋعا دايىن.

فورۋم اياسىندا «QazTrade» اق مەن قىتايدىڭ حالىقارالىق ساۋداعا جاردەمدەسۋ جونىندەگى كەڭەسى (سىچۋان كەڭەسى), سونداي-اق Hubei Enterprise International Cooperation of China قاۋىمداستىعى اراسىندا, Orbis Kazakhstan كومپانيالار توبى Sichuan Kaiyi International Co., Ltd كومپانياسىمەن ىنتىماقتاستىق تۋرالى مەموراندۋمدارعا قول قويدى.

بۇدان وزگە, «ازىق-ت ۇلىك كورپوراتسياسى» اق جانە Jinmaisui Group Gangwei  وتاندىق  اۋىل شارۋاشىلىعى ونىمدەرىن وتكىزۋ ماقساتىندا ء وزارا  كەلىسىمگە كەلگەنى بار.

ەكسپورتتاۋشىلار فورۋمى اياسىندا B2B فورماتىندا ەكىجاقتى كەلىسسوزدەر جۇرگىزۋ ناتيجەسىندە قازاقستان مەن قىتاي ەلدەرىنىڭ بيزنەس وكىلدەرى جالپى سوماسى 164,5 ملن اقش دوللارىن قۇرايتىن تاۋارلاردى جەتكىزۋ شارتىن جاساستى.