تارازدا جولاۋشىلار اۆتوبۋسى ورتەنىپ كەتتى

بۇگىن ساعات 17:43-تە جامبىل وبلىسى تجد كۇشتەر مەن قۇرالداردى جەدەل باسقارۋ ورتالىعىنىڭ تەلەفونىنا تاراز قالاسى, مامبەت باتىر كوشەسىنىڭ بويىندا جولاۋشىلار اۆتوبۋسىنىڭ ورتەنگەندىگى تۋرالى حابارلاما كەلىپ ءتۇستى.

«شاقىرتۋ ورنىنا دەپارتامەنتتىڭ كۇشتەرى مەن قۇرالدارى( 16 ادام جەكە قۇرام جانە 4 بىرلىك تەحنيكا) جەدەل جەتتى. ءورت سوندىرۋشىلەر ءورتتى 18:00-دە  اۋىزدىقتاپ, 18:06 -دا تولىق ءسوندىردى. زارداپ شەككەندەر مەن قازا بولعاندار جوق. ءورتتىڭ شىعۋ سەبەبى انىقتالىپ جاتىر», دەلىنگەن حابارلامادا.