ديپلومات كىتابى

ەڭ اۋەلى ءا.ىسقاق قۇتتىقتاۋ سوزىنەن كە­يىن, اۆتوردىڭ تۇلعالىق بولمىسى مەن ەڭبەك جولىنا توقتالىپ, كىتاپتىڭ مازمۇنى توڭى­رەگىندە ويىن ورتاعا سالدى. «مۇندا قوس مەملەكەتتىڭ ساياسي-مادەني ۇستانىمدارى, باسقارۋ جۇيەسى تاقىرىبىندا كەشەندى زەرتتەۋ جۇرگىزىلگەن. سونىمەن قاتار سول ۋاقىتتا فرانتسيا بيلىگىندە بولعان نيكوليا ساركوزي, ونى اۋىستىرعان فرانسۋا وللاندتىڭ ەل باس­قارۋداعى ەرەكشەلىكتەرى تۋرالى كەڭىنەن باياندايدى. قازاقستان مەن فرانتسيا اراسىنداعى ەكىجاقتى قاتىناستىڭ دامۋ بارىسىنا مامان رەتىندە باعا بەرەدى. م.تۇياقباەۆتىڭ بۇل ەڭبەگى – جاس ديپلوماتقا تاپتىرماس تاجىريبە تالقىسى», دەدى ول.

توتەنشە جانە وكىلەتتى ەلشى, پروفەسسور ءادىل احمەتوۆ «جاراتقاننىڭ ەلشىسى» دەگەن ماعىنانى بىلدىرەتىن اۆتوردىڭ ەسىم-سويى ونىڭ راسىندا دا ديپلوماتتىق بولمىسىن ايشىقتاپ تۇرعانىن ايتىپ, جىلى لەبىزىن ءبىلدىردى.

رەسپۋبليكالىق «تاڭشولپان» ادەبي-كوپ­شىلىك جۋرنالىنىڭ باس رەداكتورى نۇرلىبەك سافين مادەني ديپلوماتيانىڭ ساياساتتاعى ماڭىزدى ءرولى مەن ونىڭ ماقسات-مۇراتىنا توقتالدى. «مەن مۇرسال-ءنابي مىرزانىڭ ءۇندى حالقىنىڭ ادەبي-مادەني قاباتىنا تەرەڭ ءۇڭىلىپ, ونداعى قازاق حالقى تۋرالى دەرەك­تەر­دى ارشىپ الىپ, ورتاعا سالعان ەڭبەگىن قات­تى باعالايمىن. سونىڭ ءبىرى ءۇندى حالىق جىرلارىندا كەزدەسەتىن جىلدامدىقتى, وتكىر­لىكتى بەينەلەيتىن «قازاقتىڭ جەبەسىندەي» تۇراقتى تىركەسى. بۇل دەگەنىڭىز – وزگە ەلدىڭ مادەنيە­تىن زەردەلەي وتىرىپ, ءوز ەلىڭنىڭ رۋحانيا­تىنا ولجا سالۋ», دەدى ول.

سونىمەن قاتار ءىس-شاراعا ارنايى قوناق­تار ءۇندىستاننىڭ قازاقستانداعى توتەن­شە جانە وكىلەتتى ەلشىسى ناگەندرا پراسادا, يندونە­زيا ەلشىسى موحاماد فادجرۋل راحمان, فران­تسيا ەلشىلىگىنىڭ مادەنيەت اتتاشەسى كلارا مەي­سەن قاتىستى. ولار م.تۇياقباەۆقا ارىپتەستىك ءىلتيپاتىن ءبىلدى­رىپ, مەملەكەتارالىق ىنتى­ماقتاستىق­تىڭ نىعايۋىنا تىلەكتەستىگىن جەتكىزدى. ءوز كەزەگىندە ءۇندىستان ەلشىسى ن.پرا­سادا بولاشاقتا قازاقستان جانە ونىڭ مادە­نيەتى حاقىندا ەڭبەك جازۋ ويىندا بار ەكەنىن جەتكىزدى.

جيىننىڭ قورىتىندى بولىمىندە كىتاپ­تىڭ تۇساۋى كەسىلىپ, اۆتور جينالعاندارعا العىس ايتتى.