قارجى ۆيتسە-ءمينيسترى تاعايىندالدى

اسەت نۇرلان ۇلى تۇرىسوۆ 1987 جىلى دۇنيەگە كەلگەن. 2009 جىلى ءال-فارابي اتىنداعى قازاق ۇلتتىق ۋنيۆەرسيتەتىن, 2017 جىلى «نارحوز» ۋنيۆەرسيتەتىن تامامداعان.

ەڭبەك جولىن 2009 جىلى «قازاقتەلەكوم» اق-دا باستاعان.

2010-2011 جىلدارى – «قازاقتەلەكوم» اق ەلەكتر بايلانىسى ينجەنەرى.

2011-2012 جىلدارى – بايلانىس جانە اقپارات مينيسترلىگىنىڭ اقپاراتتىق تەحنولوگيالار سالاسىنداعى مەملەكەتتىك ساياسات دەپارتامەنتى «ەلەكتروندىق ۇكىمەتتى» دامىتۋ جانە قورعاۋ باسقارماسى ساراپشىسىنىڭ مىندەتىن اتقارۋشى.

2012-2014 جىلدارى – كولىك جانە كوممۋنيكاتسيالار مينيسترلىگىنىڭ اقپاراتتىق تەحنولوگيالار سالاسىنداعى مەملەكەتتىك ساياسات دەپارتامەنتىنىڭ جوبالىق قۇجاتتامانى تالداۋ جانە اقپاراتتاندىرۋ جاڭا مودەلىن قالىپتاستىرۋ بويىنشا ساراپشى, باس ساراپشى.

2014 جىلى – «حالىققا قىزمەت كورسەتۋ ورتالىعى» رمك باسقارۋشى ديرەكتورى.

2014-2017 جىلدارى – «قازپوشتا» اق قۇرىلىمىندا جۇمىس ىستەدى. 

2018-2021 جىلدارى «ۇلتتىق اقپاراتتىق تەحنولوگيالار» اق باسقارما توراعاسى قىزمەتىن اتقاردى. 

2021 جىلدان قازىرگە دەيىن تسيفرلىق دامۋ, يننوۆاتسيالار جانە اەروعارىش ونەركاسىبى ۆيتسە-ءمينيسترى قىزمەتىن اتقاردى.