13-14 ناۋرىزدا ورال قالاسىنداعى «Jaiqhub» ورتالىعىنىڭ ءماجىلىس زالىندا مادەنيەت جانە اقپارات مينيسترلىگىنىڭ ءدىن ىستەرى كوميتەتىنىڭ قولداۋىمەن «رۋحاني جاڭعىرۋ» قوعامدىق قورىنىڭ ۇيىمداستىرۋىمەن ءدىن ماسەلەرى بويىنشا بىلىكتى مامانداردى دايىنداۋعا باعىتتالعان ءىس-شارا ءوتتى. شاراعا ء«دىن زەرتتەۋ ورتالىعىنىڭ», «اقنيەت» قق, مەشىتتەردىڭ جانە ت.ب. ماماندارى, يمامدارى, پسيحولوگتارى مەن تەولوگتارى قاتىستى. جيىندا ءدىن ماسەلەلەرى بويىنشا ءتۇسىندىرۋ توبىنىڭ مۇشەلەرى – پسيحولوگيا ماماندارى رازاقوۆ نۇرمۇحاممەت ءشامشى ۇلى جانە شاكيموۆا لولا سەرگەەۆنا سەمينار وقىدى.
نۇرمۇحاممەت رازاقوۆ ء«دىن, مىنەز-ق ۇلىق جانە ادەت-عۇرىپ نورمالارى» تاقىرىبىندا جالپى تەوريالىق اقپارات بەرىپ, قاتىسۋشىلارمەن جۇمىس ىستەدى. سونداي-اق «قازاق قوعامىنىڭ ءداستۇرلى ءدىني تانىمى» تاقىرىبىمەن قازاقستانداعى ءدىني جاعدايلاردى تۇسىندىرە وتىرا, وعان قاتىستى كۇردەلى سۇراقتارعا جاۋاپ بەرۋ ادىستەرىن ۇيرەتتى.
لولا شاكيموۆا «پسيحولوگيا دەسترۋكتيۆنىح ليچنوستەي, ۋيازۆيمىح ك ۆەربوۆكە سو ستورونى ليدەروۆ درت» تاقىرىبىمەن قاتىسۋشىلارعا جاستار اراسىنداعى تاۋەكەل توپتارىن انىقتاۋ ءۇشىن پروفايلينگ تەحنيكاسىن, ياعني, قىلمىس جاساۋعا دايىن تۇرعان تۇلعانىڭ سىرتقى كەلبەتىنە, ميميكاسىنا, ءجۇرىس-تۇرىسىنا قاراپ قالاي انىقتاۋعا بولاتىنىن ءتۇسىندىردى. سونداي-اق «مەتودى يزۋچەنيا ليچنوستي, پريمەنياەمىە ۆ پسيحوكوررەكتسيوننوي رابوتە س ادەپتامي درت» تاقىرىبىندا قاتىسۋشىلارعا پسيحوكوررەكتسيالىق جۇمىستا قولدانىلاتىن تۇلعانى زەرتتەۋ ادىستەرىن ۇيرەتتى.
سونىمەن قاتار سەمينارلار مەن ترەنينگتەر بارىسىندا قاتىسۋشىلار دارىسكەرلەرگە سۇراقتار قويىپ, تۇجىرىمدى جاۋاپتار الدى.