باس پروكۋراتۋرا مەن ىشكى ىستەر مينيسترلىگى قىزمەتكەرلەرى قر سىرتقى ىستەر مينيسترلىگىنىڭ كومەگىمەن «ج» ەسىمدى كۇدىكتىنى اسا ءىرى كولەمدە الاياقتىق جاساعانى ءۇشىن قىلمىستىق جاۋاپتىلىققا تارتۋ ماقساتىندا چەحيادان ەكستراديتسيالادى, دەپ حابارلايدى Egemen.kz.
باس پروكۋراتۋرانىڭ ءباسپاسوز قىزمەتى مالىمدەگەندەي, ول 2021 جىلدىڭ كوكتەمىندە جابىرلەنۋشىگە حالىق تۇتىناتىن تاۋارلاردى قازاقستاننان رەسەيگە تاسىمالداۋ قىزمەتىن ۇسىنىپ, ودان كەيىن الداۋ ارقىلى جابىرلەنۋشىنىڭ 19 ميلليون تەڭگەگە جۋىق تاۋارىن يەمدەنىپ, ونى باسقا تۇلعالارعا ساتىپ, اقشاسىن جىمقىرعان دەگەن كۇدىككە ىلىنگەن.
قىلمىس جاساعاننان كەيىن جاسىرىنۋىنا بايلانىستى كۇدىكتىگە حالىقارالىق ىزدەۋ جاريالاندى. وسى جىلدىڭ قاڭتار ايىندا ول چەحيادا ۇستالدى.
كۇدىكتى ۋاقىتشا ۇستاۋ يزولياتورىنا قامالدى.
ايىپتالۋشىنىڭ مۇلكى تاركىلەنىپ, 5 جىلدان 10 جىلعا دەيىنگى مەرزىمگە باس بوستاندىعىنان ايىرىلۋى مۇمكىن.