ناۋرىز مەرەكەسىنە دايىندىق قىزۋ

قىس كەتىپ, توقسان شىعىپ, كوكتەمنىڭ العاشقى حابارشىسىنداي بولىپ ەنگەن كورىسۋ كۇنىن مارتوك, قارعالى, باي­عانين, ويىل اۋداندارىنىڭ تۇرعىندارى ەرەكشە اتاپ ءوتىپ جاتىر. بۇل كۇنى اقتوبە قالا­سى جاستار رەسۋرستىق ورتا­لىعىنىڭ قىز-جىگىتتەرى قا­لا­داعى «شىعىس» بازارىنا كەلىپ, تۇرعىنداردى امال كۇنىمەن قۇتتىقتاپ, ىستىق باۋىر­ساق ۇلەستىردى.

15 ناۋرىزدان باستاپ وبلىس اۋماعىندا يگى ىستەر مارافونى ۇيىمداستىرىلادى. قازىرگى كەزدە بارلىق اۋدان ازاماتتارى وسى كۇنى اتقارىلاتىن ءىس-شارالار جوباسىن, مەرەكەگە دايىندىق جۇمىستارىن پىسىقتاۋ ۇستىن­دە. «مادەنيەت جانە ۇلتتىق سالت-ءداستۇر كۇنى», «شاڭىراق كۇ­نىندە» انالار كەڭەسىنىڭ كەز­دەسۋلەرى, كەلىندەر بايقاۋى, ۇلتتىق پەداگوگيكا جانە وتباسى ينستيتۋتىن نىعايتۋعا باعىتتالعان ءىس-شارالار جوس­پارلانىپ وتىر. ۇلتتىق كيىم كۇنى قازاق­تىڭ ۇلتتىق كيىمدەرىن نا­سي­حات­تاۋعا باعىتتالعان ءسان­دى كيىمدەر كورسەتىلىمى وتە­دى. وسى كۇنى مادەنيەت قايرات­كەر­لەرى, ارتىستەر, سپورتشى­لار­دىڭ قاتىسۋىمەن «ۇلتتىق كيىم كۇنى» چەللەندجى جوسپار­لان­عان. «جاڭارۋ كۇنى» وبلىس اۋماعىندا جولدار, ارىقتار مەن وتكەلدەردى تازارتۋ جۇمىس­تارى جۇرگىزىلەدى. بۇل كۇنى باي­عانين اۋدانىنىڭ جاستارى ەلدى مەكەندەر جانىنداعى بۇلاق كوزدەرىن تازارتۋعا كى­رى­­سەدى. قاراۋىلكەلدى, ال­تاي باتىر اۋىلدارىنىڭ جىگىت­­تەرى بۇلاق اينالاسىن ابات­تان­­دىرۋ­دى مامىر ايىنا دەيىن جالعاس­تىرماقشى. «تازا­­لىق ەستا­فەتاسى» اياسىندا ارىقتار, اۋلا­­لاردى تازالاۋ جۇمىستارى جۇرگىزىلەدى. «ۇلتتىق سپورت كۇنى» وبلىستىق دەنە شىنىقتىرۋ جانە سپورت باسقارماسى قازاق كۇرەسى, ارقان تارتۋ, قول كۇرەس, گىر كوتەرۋ, اسىق اتۋ, لاڭگى تەبۋ, قوشقار كوتەرۋ بويىنشا سايىستار ۇيىمداستىرادى.

جەرگىلىكتى قولونەرشىلەر جۇمىستارىنىڭ كورمە-جارمەڭ­كەسى «Dalida Center» ساۋدا ور­تا­لىعىندا جوسپارلانعان. مۇندا «Sheber Art Aktobe» قاۋىمداستىعىنىڭ 30-دان اسا قولونەر شەبەرى بىرەگەي بۇيىمدارىن ۇسىنادى. جار­مەڭ­كەدە تۇرمىستىق زاتتار, ۇلت­تىق كادەسىيلار, ەتنيكالىق ستيلدەگى كيىمدەر ساتىپ الۋعا بولادى. اقتوبە وبلىسىنىڭ تۇرعىندارى وسىلايشا بيىلعى ناۋرىزدى تاعىلىم الارلىقتاي ونەگەلى ىستەرمەن اتاپ وتۋگە كىرىستى.

اقتوبە وبلىسى