قاراعاندى وبلىسىندا قىلمىستىق قۇقىق بۇزۋشىلىق جاسادى دەگەن كۇدىكپەن «قازاقمىس كورپوراتسياسى» جشس شارتتىق-نارازىلىق ءبولىمىنىڭ باستىعى ۇستالدى, دەپ حابارلايدى Egemen.kz كومپانيانىڭ ءباسپاسوز قىزمەتىنە سىلتەمە جاساپ.
«قازاقمىس كورپوراتسياسى» جشس زاڭ قىزمەتى دەپارتامەنتى ورتالىق ءوڭىردىڭ زاڭ باسقارماسىنىڭ شارتتىق-نارازىلىق ءبولىمىنىڭ باستىعى ازات ماقسۇت ۇلى جۇماباەۆ ۇستالدى. قازىرگى ۋاقىتتا ا. م. جۇماباەۆقا قاتىستى تەرگەۋ شارالارى جۇرگىزىلىپ جاتىر», دەلىنگەن حابارلامادا.
كۇدىكتى 13 ناۋرىز كۇنى ۇستالدى, ونى «قازاقمىس كورپوراتسياسى» جشس قاۋىپسىزدىك ديرەكتسياسى قىزمەتكەرلەرىنىڭ قاتىسۋىمەن قاراعاندى وبلىسىنىڭ ىشكى ىستەر دەپارتامەنتى ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى جۇرگىزدى.
ازات جۇماباەۆ قر قك 194-بابىنىڭ 1-بولىگىندە كوزدەلگەن «بوپسالاۋ» قىلمىستىق قۇقىق بۇزۋشىلىعىن جاسادى دەگەن كۇدىككە ءىلىندى.