ناۋرىز مەيرامىنا ارنالعان رەسپۋبليكالىق چەللەندج 20 ناۋرىز كۇنى ساعات 12:00-دە وتەدى. بۇنداي چەللەندج بىلتىر العاش رەت ءوتتى. بيىل دا سونداي شارا جالعاسادى. دومبىرا ءۇنى ءبىر ۋاقىتتا بارلىق ءبىلىم بەرۋ ۇيىمدارىندا وينايدى, دەپ جازادى Egemen.kz.
«دومبىراشىلار چەللەندجىنىڭ ماقساتى – بالالار مەن جاستاردىڭ, مۇعالىمدەر مەن اتا-انالاردىڭ مۋزىكاداعى جەتىستىكتەرىن كورسەتۋ جانە دومبىرانى دارىپتەۋ. ءىس-شاراعا بارلىق نيەت بىلدىرۋشىلەر قاتىسا الادى. بۇل ەلىمىزدىڭ مادەني ءومىرى ءۇشىن ەلەۋلى وقيعا. شارالار ء«بىرتۇتاس تاربيە» باعدارلاماسى اياسىندا وتكىزىلەدى», دەيدى تاربيە جۇمىسى جانە قوسىمشا ءبىلىم بەرۋ دەپارتامەنتىنىڭ ديرەكتورى مەرۋەرت مەدەتبەكوۆا.
ايتا كەتسەك, ەلىمىزدىڭ بارلىق جالپى ءبىلىم بەرەتىن مەكتەپتەرىندە 14-23 كۇندەرى ناۋرىز مەيرامىنا ارنالعان تاقىرىپتىق چەللەندجدەر, جالپىۇلتتىق ەكولوگيالىق اكتسيا جانە ۇلتتىق ويىنداردان ءتۇرلى جارىستار ۇيىمداستىرىلادى.