مادەنيەت جانە اقپارات ءمينيسترى ايدا بالاەۆا قۋاندىق بيشىمباەۆتىڭ ءىسى قارالىپ جاتقان سوت زالىنا جۋرناليستەردىڭ كىرگىزىلمەۋىنە قاتىستى پىكىر ءبىلدىردى, دەپ حابارلايدى Egemen.kz.
ايدا بالاەۆا مينيسترلىكتىڭ ارقاشان جۋرناليست قۇقىقىن شەكتەۋگە جول بەرمەۋ, اقپاراتقا ەركىن قول جەتكىزۋدى قامتاماسىز ەتۋ جانە وبەكتيۆتى اقپارات تاراتۋ ۇستانىمىن بەرىك ساقتايتىنىن اتاپ ءوتتى.
«بۇل رەتتە كەشەگى سوت وتىرىسىندا ارنايى ورىننىڭ بولماۋىنا بايلانىستى باق وكىلدەرى سوت وتىرىسىن بەلگىلەنگەن بولەك بولمەدە وتىرىپ كوردى. الايدا باق وكىلدەرىنە ءتيىستى ورىندار بولۋى كەرەك. وسى جاعدايدى ەسكەرە وتىرىپ, مينيسترلىك مۇددەلى مەملەكەتتىك ورگاندارمەن بىرلەسىپ, جۋرناليستەردى قاجەت ورىندارمەن قامتۋ جۇمىسىن جۇرگىزە باستايدى», دەپ جازدى ا. بالاەۆ.
مينيستر باق وكىلدەرىن سوت پروتسەسىن جاريالاۋ كەزىندە بىرقاتار ەتيكالىق اسپەكتىلەردى, اتاپ ايتساق, زاڭ ۇستەمدىگىن, بەيتاراپ ادىلەتتىلىكتى ەسكەرىپ, جالعان اقپاراتتىڭ تارالۋىنان جانە كەز كەلگەن فورمادا سوت قىزمەتىنە ارالاسۋدان ساق بولۋعا شاقىردى.
ايتا كەتەيىك, 11-12 ناۋرىزدا استانا قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا ەكس-مينيستر قۋاندىق بيشىمباەۆتىڭ ءىسى بويىنشا الدىن-الا سوت ءتىڭدالىمى وتتى. وعان ايەلى سالتانات نۇكەنوۆانى ءولتىردى دەگەن ايىپ تاعىلدى. سوتتالۋشى ءوز كىناسىن مويىندامايتىنىن ايتىپ, القابيلەر سوتىن تاعايىنداۋدى سۇرادى. سوت ونىڭ وتىنىشىن قاناعاتتاندىردى. اشىق سوت وتىرىسى 2024 جىلعى 27 ناۋرىزدا ساعات 10.00-دە استانا قالاسىندا وتەدى.