جاڭا قۇرىلعان گيتاريستتەر كۆينتەتى «باستاۋ» اتتى كونتسەرت وتكىزەدى

90 جىلعا جۋىق تاريحى بار جامبىل اتىنداعى قازاق مەملەكەتتىك اكادەميالىق فيلارمونياسى قۇرامىندا رەسپۋبليكامىزدا عانا ەمەس بىرقاتار شەت مەملەكەتتەرگە دە تانىمال 4 ءىرى شىعارماشىلىق ۇجىم بار. ودان بولەك ەلىمىزدىڭ مۋزىكا ونەرىنىڭ قاراشاڭىراعىندا ىشەكتى اسپاپتار كۆارتەتى, قاراعايلى ۇرمەلى اسپاپتار كۆينتەتى مەن سوليستتەر بار. 1935 جىلدان باستاپ حالقىمىزدىڭ رۋحاني دامۋىنا ادال قىزمەت ەتىپ كەلە جاتقان فيلارمونيانىڭ رەپەرتۋارى قازاق حالقىنىڭ مۋزىكاسىمەن قاتار الەمدىك كلاسسيكالىق مۋزىكاداعى شىعارمالارعا باي.

2024 جىلى قر مادەنيەت جانە اقپارات ءمينيسترلىنىنىڭ قولداۋىمەن فيلارمونيادا مەملەكەتتىك اكادەميالىق كلاسسيكالىق گيتاريستتەر كۆينتەتى قۇرىلدى. ەلىمىزدە العاش رەت اشىلىپ وتىرعان كۆينتەت قۇرامىندا قازاقستاننىڭ جوعارعى وقۋ ورىندارىندا ءبىلىم العان تالانتتى گيتارا اسپابىنىڭ شەبەرلەرى ونەر كورسەتەدى.

وسىعان وراي 20 ناۋرىز ساعات 19:00-دە جامبىل اتىنداعى قازاق مەملەكەتتىك فيلارمونياسىنىڭ ۇلكەن زالىندا مەملەكەتتىك اكادەميالىق گيتاريستتەر كۆينتەتىنىڭ رەسمي اشىلۋى جانە العاشقى «باستاۋ» اتتى كونتسەرتى وتەدى.

ءىس-شاراعا قر مادەنيەت جانە اقپارات مينيسترلىگى مەن الماتى قالاسى اكىمدىگىنىڭ وكىلدەرى, ونەر قايراتكەرلەرى, زيالى قاۋىم وكىلدەرى قاتىسادى.

باۋىرجان جىلقىباەۆ - كۆينتەتنىڭ كوركەمدىك جەتەكشىسى, حالىقارالىق بايقاۋلاردىڭ لاۋرەاتى.

كۆينتەت قۇرامىندا:

اقبار قيارىستان (گيتارا) ۇلان احمەتوۆ (باس گيتارا) اسان ناربوتا(گيتارا) زاۋرە ناربوتا(گيتارا) باۋىرجان جىلقىباەۆ(گيتارا)

 كونتسەرتكە قاتىساتىندار:

ايدا ايۋپوۆا (سكريپكا) حاسان ماتساەۆ(كاحون) ەرتاي مامىرحان(فورتەپيانو) ەرمەك مەدەنوۆ(ساكسوفون)

باعدارلامادا: قۇرمانعازى - «اداي», ن.تىلەنديەۆ - «قۇستار ءانى», «القيسسا», ب.جىلقىباەۆ - «Amigo», «Kazakh rumba», «قايىرلى تاڭ», «Nomads», م.اۋباكىروۆ - «ناركەسكەن», Gipsy kings - «Inspiration» Love and liberte», Jesse Cook -«Gipsy», «Tempest», «Mario takes a walk», مونتي - «چارداش», Rodrigo y gabriela - «Puss in boots», «Tamacun», Depapepe - «Katana», ۆ.ديديۋليا - «ۋليچنىە ستراستي».