فەرمەرگە تاڭداۋ قۇقىعى بەرىلەدى

ء«بىز, ەل ازاماتتارى رەتىندە, وتاندىق ماشينا جاساۋدى دامىتۋدىڭ نە ەكەنىن تۇسىنەمىز جانە سوعان مۇددەلىمىز, الايدا, بۇل ماسەلەنى ءۇش تۇرعىدان: ءونىم بەرۋشىلەر, قۇراستىرۋ ءوندىرىسى جانە تۇتىنۋشىلاردىڭ وزدەرى – اۋىل شارۋاشىلىعى تاۋارىن وندىرۋشىلەر تاراپىنان قاراۋ قاجەت. بىراق, اگرارلىق بيزنەس وكىلدەرى قر ۇكىمەتىندە اۋىل شارۋاشىلىعى تەحنيكاسىنىڭ يمپورتىنا مەملەكەتتىك قولداۋ شارالارىن وزگەرتۋگە قاتىستى ايتىلعان سوڭعى جوسپارلارعا تۇسىنىكتەمە بەرە وتىرىپ, ەڭ الدىمەن, ءبىز اۋىل شارۋاشىلىعى تاۋارىن وندىرۋشىلەردىڭ مۇددەسىنە نازار اۋدارۋىمىز كەرەك», دەيدى اگروبيزنەس وكىلدەرى.

اگروبيزنەس وكىلدەرىنىڭ پىكىرىنشە, پرەزيدەنت ءوندىرىستى ەكى ەسەگە ۇلعايتۋ, ماشينا-تراكتور پاركىن 10%-عا جاڭارتۋ مىندەتىن قويدى. بۇل جاعدايدا اۋىل بيزنەسىنە تاڭداۋ قۇقىعىن بەرۋ كەرەك جانە سايكەسىنشە, قارجىلاندىرۋ قۇرالدارىن قۇرۋ قاجەت. ياعني, اۋىل شارۋاشىلىعى تاۋارىن ءوندىرۋشى وزىنە قاجەتتى تەحنيكانى جانە ونى ساتىپ الۋ تاسىلدەرىن ءوزى تاڭداي الاتىنداي ارزان اقشا جانە اشىق, قولجەتىمدى نارىق بولۋى ءتيىس. جاڭاشىلدىقتار ەل اگرارشىلارىنىڭ ايتۋىنشا, فەرمەرلەردى قانداي اۋىل شارۋاشىلىعى تەحنيكاسىمەن جۇمىس ىستەۋ كەرەكتىگىن تاڭداۋ قۇقىعىنان ايىرۋى مۇمكىن.

سونىمەن قاتار اوك سالالىق قاۋىمداستىقتار وداعى قازاقستان پرەزيدەنتىنىڭ اتىنا حات جولدادى. ونىڭ ءمانى – وسى جوسپارلاردى ىسكە اسىرۋعا اسىقپاۋ كەرەك, شەشىمدەردەن پايدا الۋشىلاردى جانە ۇسىنىلىپ وتىرعان وزگەرىستەردىڭ اوك دامىتۋ تيىمدىلىگىنە اسەرىن مۇقيات زەردەلەۋ قاجەت.

ەستەرىڭىزگە سالا كەتەيىك, وسى جىلدىڭ اقپان ايىندا يندۋستريا جانە ينفراقۇرىلىمدىق دامۋ مينيسترلىگى ەلىشىلىك قۇندىلىق ماسەلەلەرى جونىندەگى كەڭەستە يمپورتتىق جوعارى ءونىمدى تەحنيكانى ساتىپ الۋ (ليزينگ) كەزىندە ينۆەستيتسيالاردى جانە ءاشتو كرەديتتەرى بويىنشا سىياقى مولشەرلەمەسىن سۋبسيديالاۋدان باس تارتۋدى ۇسىنعان. وتاندىق اۋىل شارۋاشىلىعى ماشينالارىنا ليزينگ 6%-بەن بەرىلگەن كەزدە, يمپورتتىق اۋىل شارۋاشىلىعى ماشينالارىنا ليزينگتى 15%-بەن بەرۋ, ءسويتىپ, قازاقستاندا انالوگتارى جينالاتىن يمپورتتىق اۋىل شارۋاشىلىعى ماشينالارى ءۇشىن ينۆەستيتسيالىق سۋبسيديالاردى تولىعىمەن جويۋ ۇسىنىلدى.