8 ناۋرىز حالىقارالىق ايەلدەر كۇنى قارساڭىندا وقۋ-اعارتۋ ءمينيسترى عاني بەيسەمباەۆ ەلىمىزدىڭ ءار وڭىرىنەن ەلورداعا كەلگەن كوپبالالى ۇستازداردى قۇتتىقتادى.
عاني بەيسەمباەۆ قۇتتىقتاۋ سوزىندە قوعامدا ايەلدەردىڭ ەرەن ەڭبەگىنسىز دامۋ مۇمكىن ەمەس ەكەنىن اتاپ ءوتتى. ولاردىڭ ۇرپاق تاربيەسىندەگى ماڭىزدى ءرولىن ەشكىم جوققا شىعارا المايتىنىن جەتكىزدى.
«سىزدەر تاۋەلسىز ەلىمىزدىڭ بولاشاعى – جاس جەتكىنشەكتەرىمىزدى تاربيەلەپ, بۇكىل ەلدىڭ يگىلىگى جولىندا ەڭبەك ەتىپ كەلەسىزدەر. سول ءۇشىن حالىقارالىق ايەلدەر كۇنى مەرەكەسى اياسىندا شىنايى العىسىمدى بىلدىرەمىن. سىزدەر كاسىبي شەبەرلىكتەرىڭىز بەن قاجىر-قايراتتارىڭىزدىڭ ارقاسىندا انا مەن ۇستاز مىندەتىن قاتار الىپ جۇرسىزدەر. وسى جولدا زور دەنساۋلىق, سارقىلماس سابىر تىلەيمىن. ومىرلەرىڭىزدىڭ ءاربىر ءساتى باقىتتى كەزەڭدەرگە تولى بولسىن», دەدى مينيستر.
مەرەكە قارساڭىندا ەلىمىزدىڭ باس ۇستازى پەداگوگتەردى ء«بىلىم بەرۋ ءىسىنىڭ قۇرمەتتى قىزمەتكەرى» جانە «ى.التىنسارين» توسبەلگىلەرىمەن ماراپاتتادى. ماراپات العانداردىڭ قاتارىندا ەلورداداعى №96 مەكتەپ-گيمنازيا ديرەكتورى ساۋلە تەمەنوۆا, فيزيكا ءپانىنىڭ مۇعالىمى دامەلى قوشقارباەۆا, سونداي-اق باستاۋىش سىنىپ مۇعالىمدەرى اقشاگۇل اقماعامبەتوۆا, مەرۋەرت قابيەۆا, اپيداش راحىمجانوۆا, گۇلنار يشانباي, قازاق ءتىلى مەن ادەبيەتى ءپانىنىڭ مۇعالىمدەرى مايرا شايحيەۆا, لاۋرا سەمەەۆا, سۆەتلانا جۇمانوۆا, التىنگۇل شايماعانبەتوۆا, اسەل ەرمەنتاەۆا, ورىس ءتىلى جانە ادەبيەتىنىڭ مۇعالىمدەرى نۇرگۇل وسپانوۆا, ءاليا نۇراحمەتوۆا, ماتەماتيكا ءپانىنىڭ ۇستازدارى مارجانگۇل ابدىكارىموۆا, باعلان قۇسمانوۆا, تاريح ءپانىنىڭ مۇعالىمى جانات ايداعاراەۆا جانە اعىلشىن ءتىلى ءپانىنىڭ مۇعالىمى اقمارال سايفۋتدينوۆا بار. ايتا كەتەيىك, بۇگىندە ەلىمىزدەگى ءبىلىم بەرۋ ۇيىمدارىندا 470 مىڭعا جۋىق ايەل پەداگوگ ەڭبەك ەتەدى.