قارجىلىق مونيتورينگ اگەنتتىگىنىڭ قوستاناي وبلىسىنداعى قىزمەتكەرلەرى ەت وڭدەۋمەن اينالىساتىن Beef export group جشس كاسىپورنىنىڭ ۇلتتىق جوبا اياسىندا بولىنگەن بيۋدجەتتى تالان-تاراجعا سالعانىن انىقتادى. قازىر ءىستىڭ سوتالدى تەرگەۋى اياقتالدى, دەپ جازادى Egemen.kz.
كاسىپورىن ديرەكتورى ۇيىمداسقان توپ قۇرىپ, ۇزاق ۋاقىت بويى «قر اگروونەركاسىپتىك كەشەنىن دامىتۋ» ۇلتتىق جوباسىن ىسكە اسىرۋعا باعىتتالعان مەملەكەت سۋبسيديا بيۋدجەتىن قاراجاتىن ۇرلاۋمەن اينالىسقان. قىلمىستىق توپ مەملەكەتكە 3 ميلليارد تەڭگەدەن استام شىعىن كەلتىرگەن.
«سوتالدى تەرگەۋ بارىسىندا كۇدىكتىلەردەن 107 ميلليون تەڭگە وتەلىپ, 3,1 ميلليارد تەڭگە مۇلكىن پايدالانۋعا تىيىم سالىندى. قىلمىستىق سحەماعا 49 ادام تارتىلعان, ولاردىڭ 13 ۇيىمداسقان توپتىڭ مۇشەسى, ولارعا سۋبسيديالاردى جىمقىرۋ, سالىق تولەۋدەن جالتارۋ, زاڭسىز كاسىپكەرلىك قىزمەت, قىلمىستىق جولمەن الىنعان م ۇلىكتى زاڭداستىرۋ, لاۋازىمدى تۇلعالارعا پارا بەرۋ جانە قۇجاتتاردى قولدان جاساۋ كۇدىگىمەن ايىپ تاعىلىپ وتىر», دەلىنگەن قما تاراتقان حابارلامادا.
تەرگەۋ بارىسىندا كاسىپورىن باسشىسى كومپانيانىڭ قىزمەتىنە سالىقتىق تەكسەرۋ جۇرگىزگەن مەملەكەتتىك قىزمەتشىگە قىسىم كورسەتىپ, زاڭسىز ارەكەت جاساعانى دا اشكەرە بولدى.